Դավաճան ու խաբեբա Նիկոլի որևէ բառին հավատալ չի կարելի, նամանավանդ հիմա, երբ կշեռքի նժարին Հայաստանի ճակատագիրն է

Լայվի ժամանակ Նիկոլն ասաց, որ մեկ հրամանով լուծել է բանակում ժամկետային զինվորներին մայկա-տռուսիկով մատակարարելու հարցը և տնից ներքնազգեստ ուղարկելու կարիք այլևս չկա։ Հիշո՞ւմ եք այդ լայվը։

 

Մի քանի ամսից որդիս գնաց բանակ ու պարզվեց, որ ոչ մի բան էլ չի լուծվել. ինչպես նախկինում էին շաբաթը մեկ տռուսիկ-մայկա տալիս, այնպես էլ Նիկոլի «փայլուն լուծումից» հետո։ Ինչպես նախկինում էին տնեցիք զինվորին տռուսիկ ու նասկի ուղարկում, այնպես էլ հիմա։

 

Ինքը՝ Նիկոլը, ստիպված եղավ ընդունել, որ խնդիրը լուծված չէ, և իրենք էլ են որդուն ներքնազգեստ ուղարկում։

 

Ավելին՝ խնդիրը ոչ միայն չլուծեց, այլ բարդացրեց։ Օրինակ՝ որդուս զորամասում, որպեսզի Նիկոլի հրամանն «ի կատար ածեն», ԱՐԳԵԼԵՑԻՆ տնից ներքնազգեստ ուղարկել։ Այսինքն զինվորին տրվող մայկա-տռուսիկի քանակը չավելացավ, տնից էլ ուղարկելն արգելեցին, որ ծնողը չկարողանա ասել, թե ստիպված մայկա-տռուսիկ է ուղարկում։ Հասկանում եք, չէ՞, աբսուրդը. ծանր ֆիզիկական մարզումների ռեժիմով ապրող զինվորը շաբաթը մեկ պիտի ներքնազգեստ փոխեր։ Գաղտագողի էինք ուղարկում, զինվորներն էլ այդպես գաղտագողի ուղարկած նասկին, ասենք՝ տետրերում էին պահում։

 

Սա իրականում մանր թեմա է, բայց շատ վառ պատկերում է, թե ինչպես է Նիկոլը խնդիր «լուծում» խաբելով և իրականում ավելի բարդացնելով իրավիճակը։

 

* * *

 

2018-ի նոյեմբեր-դեկտեմբերին, նախընտրական քարոզարշավի ժամանակ Նիկոլը խոստացավ, որ բանակի եղած բյուջեին 5 տարում լրացուցիչ 2,5 մլրդ դոլար կավելացնի։ 2019 և 2020 թվականներին այդ կես-կես միլիարդն այդպես էլ չտեսավ բանակը, վստահաբար այս 3 տարում առավել ևս չի կարողանալու դա անել՝ հաշվի առնելով տնտեսության աղետալի վիճակը։

 

Սա շատ ավելի մեծ խնդիր է, քան առաջին նկարագրածս և Նիկոլը նախընտրական այդ խոստումը տալիս հաստատ չուներ որևէ հիմք այդ 2,5 միլիարդը խոստանալու։

Նիկոլը ստում էր լկտիաբար՝ խաբելով իրեն պաշտող ընտրողին։

 

* * *

Համոզված եմ, որ դուք բոլորդ էլ հենց հիմա կհիշեք Նիկոլի տասնյակ եթե ոչ հարյուրավոր այսպիսի ստեր։ Եթե սկսենք պատմության համար գրանցել Նիկոլի բոլոր ստերը, ապա մի 20 տարուց հազիվ վերջացնենք այդ բազմահատոր աշխատանքը։

Դրա ժամանակը հիմա չկա ու դժվար թե երբևէ լինի։

Ուղղակի պետք է հստակ հասկանանք. Նիկոլը անուղղելի սուտասան է և խաբեբա։

 

Նույնը՝ իր շրջապատը։

Երբ հիմա ասում է, որ պիտի մնա պաշտոնի, որովհետև չգիտեմ ինչ, ընդամենը ստում է, որ մի քիչ էլ իշխանությունը պահի։

 

Երբ հիմա ասում է, որ թե իբր բոլոր քաղաքական ուժերը գիտեին ստորագրվող փաստաթղթի մասին, էլի է ստում (այս սուտն այսօր հերքեց նույնիսկ Փաշինյանին շատ լոյալ ՔՈ-ի ղեկավարներից մեկը)։

 

Երբ ասում է, որ պետք է միասին հզոր Հայաստան կառուցենք, էլի է ստում. չի կառուցում, ավիրում է։

 

Դավաճան ու խաբեբա Նիկոլի որևէ բառին հավատալ չի կարելի, նամանավանդ հիմա, երբ կշեռքի նժարին Հայաստանի ճակատագիրն է։