Իվետո Տոնոյան. ՔՊ-ի գրասենյակից գիշերը զինվորական համազգեստ և զենք է բաժանվել օլիգարխների աշխատակիցներին եւ ՔՊ-ի համակիրներին. Տոնոյան

Մենք ունենք հստակ տեղեկություններ, որ այսօր ժամը 17-ին 17 կուսակցությունների կողմից նախատեսված գործողությունների ընթացքում սադրանքներ հրահրելու, խժդժություններ առաջացնելու հստակ հանձնարարական է իջեցված  իշխանությունների կողմից: Այս մասին այսօր՝ նոյեմբերի 12-ին, ՀՅԴ գրասենյակում Նիկոլ Փաշինյանի հրաժարականը պահանջող քաղաքական ուժերի մամուլի ասուլիսի ժամանակ նշեց ԲՀԿ խմբակցության պատգամավոր Իվետո Տոնոյանը:

«ՔՊ-ի գրասենյակից գիշերվա ընթացքում զինվորական համազգեստ եւ զենք է բաժանվել իշխանությունների սրտի, սիրելի օլիգարխների անվտանգության աշխատակիցներին եւ «Իմ քայլը» խմբակցության եւ ՔՊ-ի համակիրների, որպեսզի կոնկրետ սադրիչ գործողություններ իրականացվեն մեր կողմից իրականացվելիք գործողությունների ընթացքում: Մի պղծեք զինվորականի, ազատամարտիկի արժնապատվությունն ու հեղինակությունը:

Դիմում եմ այն մարդկանց, որոնք ստացել են այդ զենքը: Մի արեք նման բան, զենքը շուռ չտաք ժողովրդի դեմ, որովհետեւ ժողովրդի ցասումը լինելու է անկառավարելի եւ ունենալու է շատ վտանգավոր հետեւանքներ»,-ասաց նա:

Մանրամասները՝ NEWS.am-ի տեսանյութում: