Փաշինյանի օրերը՝ որպես երկրի ղեկավար, գրեթե հաշված են. Զատուլին

ՌԴ Պետդումայի պատգամավոր, ԱՊՀ երկրների ինստիտուտի տնօրեն Կոնստանտին Զատուլինը կարծում է, որ հայ հասարակության աչքերում վարչապետ Նիկոլ Փաշինյանը դարձավ պատերազմում պարտության գլխավոր մեղավորը: Այդ մասին նա ասել է Газете.Ru-ի հետ զրույցում:

«Գործող վարչապետը գտնվում է շատ բարդ իրավիճակում: Նրա օրերը՝ որպես երկրի ղեկավար, գրեթե հաշված են: Շաբաթներ առաջ պատասխանատու քաղաքական գործիչներն ասում էին, որ անհրաժեշտ է փոխանցել իշխանությունը զինվորականներին: Փաշինյանը «Թավշյա հեղափոխության» օրերի հաղթող և պոպուլյար առաջնորդից, վերածվել է բոլորվին այլ քաղաքական ֆիգուրի»,- նշել է Զատուլինը:

Նա հավելել է, որ երեկ ձեռք բերված պայմանավորվածություններով բավարարված չեն հակամարտության երկու կողմերն էլ:

«Ռազմական գոծողությունների դադարեցման մասին պայմանավորվածությունը ստիպված քայլ է երկու կողմերի համար էլ: Ադրբեջանն ակնկալում էր ավելին և մեծացնում իր հարձակողական գոծողությունները Թուրքիայի օգնությամբ, իսկ Հայաստանը պարտվեց պատերազմում և կորցրեց տարածքներ»,-եզրափակել է նա:

Zham.am