Թրամփն Ասադին «կենդանի» է անվանել ու մեղադրել Ռուսաստանին նրան աջակցելու համար

«Եթե Ռուսաստանը չաջակցեր այդ կենդանուն, ապա խնդիր չէր լինի», - ասաց ԱՄՆ նախագահ Դոնալդ Թրամփը Սիրիայի նախագահ Բաշար Ասադի մասին:

ԱՄՆ45-րդ նախագահը գտնում է, որ սիրիական խնդրի սրման մեջ մեղավոր է սիրիական կառավարությանն աջակցող Ռուսաստանը: Այդպիսով Թրամփը փորձում էր արդարացնել նախորդ ուրբաթ սիրիական ավիաբազայի ուղղությամբ հասցված ավիահարվածները: Փոխանցում է «Ինտերֆաքս»-ը:

«Կարծում եմ դա շատ վատ  է Ռուսաստանի համար: Մտածում եմ, դա շատ վատ  է մարդկության համար: Դա շատ վատ է ժամանակակից աշխարհի համար», - հայտարարեց Թրամփը «Fox Business» հեռուստաընկերության եթերում:

Հարցազրույցից երևում է, որ նրա վտա տպավորություն են գործել լուսանկարները Սիրիայից, որոնց վրա առանց ձեռքերի ու ոտքերի երեխաներ են պատկերված, որոնք իբր տուժել են քիմիական զենքի կիրառումից:

Ըստ Թրամփի, դեռ Բարաք Օբամայի վարչակազմը պետք է հարվածեր Ասադին:

Վաղ Սպիտակ տան մամուլի խոսնակ Շոն Սպայսերը համեմատեց Բաշար Ասադին Հիտլերի հետ, ինչպես նաև սխալմամբ նշելով, թե Հիտլերը քիմիական զենք չի կիրառել պատերազմի ժամանակ: Դրանից հետո նա ստիպված էր ներողություն խնդրել, քանզի Հիտլերի ժամանակ ակտիվ կիրառվում էին գազային խցիկներ: Իսկ Կոնգրեսում ներկայացուցիչների պալատում  դեմոկրատների առաջնորդ Նենսի Փելոսին անգամ պահանջեց աշխատանքից ազատել Սպիտակ տան մամուլի խոսնակին:

Zham.am