Քաղաքացիական բնակավայրերի հարձակումների մեծ մասը եղել է կասետային ռումբերով. ԱՀ ՄԻՊ. Տեսանյութ

Գիշերը Շուշիում լարված է եղել, քաղաքացիական օբյեկտները ինտենսիվորեն թիրախավորվել են, ինչի հետևանքով կան վիրավորներ և շատ ավերածություններ, մանրամասները ճշտվում են,-այս մասին ճեպազրույցի ժամանակ հայտնեց Արցախի ՄԻՊ Արտակ Բեգլարյանը:

Նրա փոխանցմամբ՝ հակառակորդի թիրախավորման տակ է եղել նաև Մարտունի քաղաքը, որտեղ ևս կան ավերածություններ, սակայն վիրավորներ չկան:

«Երեկ Ստեփանակերտը նույնպես թիրախավորվել է, ինչի հոտևանքով երկու քաղաքացիական անձ է վիրավորվել, մեկը արձանագրվել է ծննդատան, մյուսը՝կենտրոնական շուկային հարակից հատվածներում»,-ասաց Արտակ Բեգլարյանը:
Նա ընդգծեց, որ այս հարձակումների մեծ մասը եղել է կասետային ռումբերով, ինչի հետևանքով էլ լինում են մեծ թվով մարդկային կորուստներ և վիրավորներ:

ԱՀ ՄԻՊ-ի տվյալներով՝ ռազմական գործողությունների հետևանքով խաղաղ բնակչության շրջանում զոհվել է առնվազն 46 քաղաքացիական անձ, կա 144 վիրավոր: Վնասվել են ավելի քան 13.800 անշարժ գույք, 3100 ենթակառուցվածք, հասարակական և արտադրական նշանակության օբյեկտներ։

Աղբյուր` Փաստինֆո