Թևան Պողոսյան. Նորից տեսա մաքուր ու կանգուն Արցախ

Մարդկային զարգացման միջազգային կենտրոնի ղեկավար Թևան Պողոսյանը ֆեյսբուքյան իր էջում գրել է. «Նոյեմբերի 3-ից կրկին Արցախում եմ, իսկ սեպտեմբերի 27-ից «բացակայել» եմ ընդամենը 17 օր (14-ը կարանտինում եմ եղել): Արդյոք երկու շաբաթվա բացակայությունից հետո ա՞յլ էի պատկերացնում տեսնել Արցախը։

Ինչ մեղքս թաքցնեմ՝ այո։ Բայց նորից տեսա մաքուր ու կանգուն Արցախ։ Այս բոլոր օրերին բազմաթիվ մարդկանց հետ քննարկելով պատերազմի բերած հետևանքները, ավերածությունները, անմահացածների և վիրավորների ցավը` մի բան եմ նկատել ու մեկ անգամ նորից ցանկանում եմ շեշտել։

Տղաներն ինչ անում են, շնորհակալության համար չեն անում, բայց մենք շնորհակալություն կասենք։ Այսօր հատուկ ցանկանում եմ նշել մեր Հայրենիքի քաղաքացիականպաշտպանությունն ապահովողներին, հենց մարտադաշտում` իրենց կողքին։

Կարեն, Արթուր, Վաչիկ… բոլորի անունը չեմ կարող նշել, բայց բոլորիդ շնորհակալություն։