Ալիեւը հայտարարել է, որ պատրաստ է դադարեցնել պատերազմը, պայմանով...

Ադրբեջանի նախաքահ Իլհամ Ալիեւը հայտարարել է Արցախում պատերազմը դադարեգնելու մասին պայմանով, եթե Հայաստանը դուրս բերի զորքերը «օկուպացված տարածքներից»: Հաղորդում է «ՌԻԱ Նովոստի»-ն:

«Նախ՝ ես հավատում եմ, որ որքան շուտ պատերազմն ավարտվի, այնքան լավ... Ես բազմիցս ասել եմ... և մեկ անգամ ևս կարող եմ կրկնել, որ... եթե Հայաստանի վարչապետը պարտավորություն ստանձնի ազատելու մնացած տարածքները, ապա մենք պատրաստ ենք կանգ առնել այսօր: Նա դեռ չի ստանձնել նման պարտավորություններ»,- ասել է Ալիևը իտալական La Repubblica թերթին տված հարցազրույցում՝ հերթական անգամ չհրաժարվելով նախապայմաններ դնելուց։

Խոսելով փոխզիջումների մասին՝ Ադրբեջանի նախագահը նշել է, որ Երևանի փոխզիջումը պետք է լինի «բոլոր գրավյալ տարածքների ամբողջական ազատումը՝ համաձայն ՄԱԿ-ի Անվտանգության խորհրդի բանաձևերի և դրանց հիմնական սկզբունքների իրագործման»:

«Հիմնական սկզբունքներն ասում են, որ սկզբում պետք է ազատագրել հինգ շրջան, իսկ հետո՝ երկու: Մենք արդեն միակողմանիորեն ազատագրել ենք չորս շրջան: Հետևաբար, նա (Փաշինյանը) պետք է ասի, որ զորքերը պետք է դուրս բերվեն Աղդամի Քելբեդշարի, Լաչինի շրջաններից: Բայց նա նման հայտարարություն չի անում: Սա ցույց է տալիս, որ նա չի ցանկանում դադարեցնել պատերազմը»,- ամփոփել է Ալիևը։

Zham.am