ՀՀ-ում համայնքապետը արդեն ոչ թե 3, այլ 4 տեղակալ կունենա: Ազգային ժողովը արտահերթ նիստ է գումարվել. Տեսանյութ
ՀՀ կառավարությունն առաջարկում է հստակեցնել երկրում ռազմական դրության ժամանակ քաղաքային եւ գյուղական համայնքների ղեկավարի տեղակալների գործառույթներն ու պարտականությունները: Այս մասին նոյեմբերի 2-ին «Տեղական ինքնակառավարման մասին» օրենքում փոփոխություններ կատարելու մասին օրինագծի քննարկման ժամանակ ՀՀ Ազգային ժողովի արտահերթ նիստում ասաց ՀՀ տարածքային կառավարման եւ ենթակառուցվածքների փոխնախարար Վաչե Տերտերյանը:
Օրինագծում առաջարկվում է հստակեցնել փոխքաղաքապետի պարտականությունները:
Տեղակալը կփոխարինի քաղաքապետին կամ համայնքի ղեկավարին նրա բացակայության դեպքում: Օրենքի նախագծում հստակեցվում են տեղակալի գործառույթները ռազմական դրության հետ կապված հատուկ իրավիճակներում, ձեւակերպվում են նրա պարտականությունները աշխարհազորի կազմակերպման եւ հավաքի անցկացման գործընթացի համատեքստում»,- պարզաբանեց Տերտերյանը:
Բացի այդ, օրենսդրական փոփոխությունների ընդունման դեպքում կլուծվի համայնքի ղեկավարի տեղակալի պարտադիր ներկայության հարցը, ինչը թույլ կտա ամրապնդել համայնքների պաշտպանունակությունը ռազմական դրության պայմաններում եւ կազմակերպել դրանց պաշտպանությունը:
Այսպիսով, համայնքի ղեկավարը կունենա ոչ թե 3, այլ 4 տեղակալ: Ընդ որում, նոր տեղակալը պետք է զբաղվի բացառապես աշխարհազորի կազմակերպման եւ հավաքների իրականացման հարցերով: Տերտերյանը չբացառեց նաեւ, որ այդ պաշտոնները կմնան ռազմական դրությունը չեղարկելուց հետո:
Հետևեք մեզ Facebook-ում