Սիրիացի վարձկանները պատրաստվում են շենքեր պայթեցնել Ադրբեջանում. Թուրք ֆուտբոլիստի ուշագրավ գրառումը

Թուրք ֆուտբոլիստ Ումութ Բուլուտը ուշագրավ գրառում է կատարել «Թվիթեր»-ի իր միկրոբլոգում՝ հայտնելով, որ սիրիացի վարձկանները պատրաստվում են նոր շինություններ պայթեցնել Ադրբեջանում:

Ինչպես հաղորդում է «Արմենպրես»-ը, ֆուտբոլիստը հայտնել է, որ Գյանջայից իր հին ընկեր Հուսեյնը իրեն գրել է, որ սիրիացիները պատրաստվում են պայթեցնել ավելի շատ շինություններ Ադրբեջանում՝ այս երեկո կամ վաղը, քանի որ նրանք չեն ստացել իրենց վարձատրությունը Ադրբեջանի կառավարությունից:

«Իմ սիրելի ընկերներ Եվլախից, Բարդայից և Գյանջայից, խնդրում եմ լինել զգուշավոր: Ես չեմ հասկանում, թե ինչ է կատարվում»,-գրել է ֆուտբոլիստը:

Ումութ Բուլուտը 2007-2018 թվականների ընթացքում Թուրքիայի ֆուտբոլի ազգային հավաքականում մասնակցել է 39 խաղի՝ դառնալով 11 գոլի հեղինակ: Կարիերայի ընթացքում Բուլուտը հանդես է եկել թուրքական «Տրաբզոնսպոր», «Գալաթասարայ» ակումբներում, ֆրանսիական «Թուլուզ» ակումբում: Այս պահին նա ներկայացնում է թուրքական «Յենի Մալաթյասպոր» ակումբը:

My old friend Huseyn from Ganja texted me that he has info that Syrians are going to bomb more buildings in #Azerbaijan tonight or tomorrow as they didn't get their $$ from Az gov. My dear friends in Yevlakh, #Bardacity and Ganja, please be careful..Idk what the hell is going on. pic.twitter.com/MCKoy6dzBw

— Umut Bulut (@UmutBulut19_) October 28, 2020