Արցախում ճշտում են Ստեփանակերտի ուղղությամբ թուրքական F-16 կործանիչների կիրառման տեղեկությունների իսկությունը

Արցախում ճշտում են մայրաքաղաք Ստեփանակերտի ուղղությամբ թուրքական F-16 կործանիչների կիրառման տեղեկությունների իսկությունը: Այս մասին հայտնել է ԱՀ նախագահի մամուլի խոսնակ Վահրամ Պողոսյանը։

ԱՀ ՄԻՊ-ն էլ իր հերթին հայտնել էր, որ Ադրբեջանը հրթիռակոծել է Ստեփանակերտի ծննդատունը և բնակելի ու հանրային տարբեր հատվածներ։ 

Ավելի վաղ, WarGonzo Telegram-ալիքը Ստամբուլում իր աղբյուրներին հղելով հայտնեց, որ Թուրքիայի ռազմաօդային ուժերը Էրդողանի անձնական հրամանով են հարձակվել Արցախի քաղաքների վրա:

«Թիրախների թվում էր Արցախի մայրաքաղաքի ծննդատունը: Ես բառեր չունեմ: Բոլորս էլ տեսնում ենք, թե ինչպիսին է Թուրքիայի նոր պատմությունը, որը Էրդողանը գրում է այդքան ջանասիրաբար»,– նշում է ռուսական լրատվամիջոցը։

Zham.am