«Կողմերը չեն իրագործում ԼՂ-ում կրակի դադարեցման շուրջ ձեռք բերված պայմանավորվածությունները»․ Պեսկով
Հակամարտության կողմերը Լեռնային Ղարաբաղում հրադադարի ռեժիմի և հումանիտար դադարի մասին պայմանավորվածությունները չեն իրագործում: Այս մասին լրագրողներին հայտնել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը, հաղորդում է ՏԱՍՍ գործակալությունը։
«Առայժմ չի կարելի արձանագրել, որ կրակի դադարեցման և հումանիտար դադարի վերաբերյալ նախկինում ձեռք բերված պայմանավորվածությունները պահպանվում են։ Ցավոք, կողմերը դրանք չեն պահպանում»,-ասել է Պեսկովը։
Դմիտրի Պեսկովը պատասխանել է Անկարայի այն հայտարարությանը, որ Ռուսաստանի Դաշնությանը չի հաջողվել լուծել Ղարաբաղյան հակամարտության հարցը եւ, որ առանց Թուրքիայի հնարավոր չէ կարգավորել այն:
Մասնավորապես ՌԴ նախագահի մամուլի խոսնակ Դմիտրի Պեսկովը հայտարարել է. «Ինչ վերաբերում է երեք երկրներին, որոնք կան հարցի կարգավորման համար ֆորմատում, ապա դա կախված է կոնֆլիկտի երկու կողմերի քաղաքական կամքից: Կոնֆլիկտի կողմերը երկուսն են՝ Ադրբեջանը եւ Հայաստանը: Եվ կոնֆլիկտի լուծմանը մասնակցելը, լինել միջնորդ կամ մասնակցել ֆորմատի, կախված է երկու երկրների համաձայնությունից:
Zham.am
Հետևեք մեզ Facebook-ում