Էդ նոսր զանգվածը ինչու՞ չի ուզում հասկանալ, որ եթե բիզնեսները չաշխատեն՝ տնտեսությունը շատ վատ վիճակում է հայտնվելու

Ներվայնանում եմ էն սուտ հայրենասերներից, ովքեր որևէ բիզնես էջի մեկնաբանություններում գրում են՝ «Բա դուք սրբություն ունե՞ք, չե՞ք ամաչում ձեր ապրանքն եք ռեկլամում» բա դու՞ քո տգիտությունից չե՞ս ամաչում...

Ժողովուրդ էդ նոսր զանգվածը ինչու՞ չի ուզում հասկանալ, որ եթե բիզնեսները չաշխատեն՝ տնտեսությունը շատ վատ վիճակում է հայտնվելու: Ասում ենք տեղական արտադրանքը սպառենք, դե թողեք, որ աշխատեն մարդիկ, իրենց ստացած եկամուտից հարկեր են գնում պետությանը ու հետևաբար մեր սահմաններին ու մեր զինվորներին: Հայկական արտադրողին պիտի հնարավորություն տանք աշխատելու ոչ թե քոմենթում սենց անմտածված բաներ գրենք:

Դուք ի՞նչ գիտեք, ով ոնց է սիրում հայրենիքը, դուք ի՞նչ գիտեք ով ինչ է անում #հաղթելուենք սլոգանը արդարացնելու համար: Էս գրողներին թվում է իրենք ահավոր հայրենասեր են, հայրենիքը բոլորիցս շատ են սիրում ու առավել շատ են մտածում յուրաքանչյուր զինվորի համար: Էդ քոմենթ գրելու ժամանակ ունեցողը աշխատու՞մ է , օգնու՞մ է տնտեսությանը, մի լումա փոխանցե՞լ է հիմնադրամին: Մի՛ դրեք Ձեզ սուպեր հերոսի տեղ խնդրում եմ:

Ինչ վերաբերվում է թուրքական բրենդերին: Այո՛ պիտի չառնենք, բայց հիմա ապրանքն արդեն ներկրված է ու ներկրողները մեր հայ գործարարներն են: Ըստ օրենքի հունվարից կդադարեցվեն թուրքական ապրանքների ներկրումը, իսկ հիմա ի՞նչ անի հայ գործարարը: Առել ենք, մարդիկ էլի են բերել և այո՛ ժամանակին չենք մտածել... (Դրա հետ մեկտեղ կարծում եմ, որ հայկական արտադրանքը առավել մեծ սպառում կունենա, երբ սովորական մի բլուզը հայկական արտադրողը չվաճառքի շատ բարձր գնով՝ դնելով իրեն Զառայի ու Մանգոյի տեղը):

Մի խոսքով, արեք ինչ ուզում եք, բայց ուրիշների հաշվին մի՛ ինքնահաստատվեք:

Վատ եմ զգում, որ էս շրջանում նման թեմաների մասին ենք խոսում: