Սերժ Սարգսյանի նեղ շրջապատը սև PR –ի արշավա՞նք է պատրաստում Սեյրան Օհանյանի դեմ

Իշխանական աղբյուրների փոխանցմամբ վերջին ժամանակաշրջանում գործող նախագահի պատվերով սոցհարցումներ են իրականացրել `ստուգելու համար, թե ինչ վարկանիշ ունի անձամբ Սերժ Սարգսյանը, հհկական կարկառուն գործիչները, իշխանությունից դուրս գտնվող գործիչները: Արդյունքում պարզվել է, որ Հանրապետականի վարկանիշը խիստ ցածր է, իսկ Սերժ Սարգսյանին մերժողները բացարձակ մեծամասնություն են կազմում: Փոխարենը վարկանիշային աճ են արձանագրել իշխանությունից վարչապետ Կարեն Կարապետյանը, իսկ իշխանությունից դուրս` Գագիկ Ծառուկյանն ու Սեյրան Օհանյանը: Ընդ որում, վարկանիշային աճի ամենամեծ պոտենցիալը արձանագրվել է հենց Սեյրան Օհանյանի մոտ: Եվ դա խիստ մտահոգել է Սերժ Սարգսյանին: Քանզի այդ փաստը կարող էր խանգարել նրա ծրագրերի իրագործմանը` նախընտրական շրջանում:

Այդ իսկ պատճառով Սերժ Սարգսյանի մոտ ստեղծվել է աշխատանքային խումբ, որը պետք է զբաղվի Սեյրան Օհանյանի հակափիարով, և արդեն շրջաբերականներ են իջեցվել լրատվական դաշտ: Եվ սույն «սուրբ գործի» գլխավոր կոորդինատորը լինելու է Սերժ Սարգսյանի փեսա Միքայել Մինասյանը:

Zham.am