Անկախ վերոնշյալից, այս մարդկանց հետ պետք է աշխատել բոլոր մակարդակներով, այդ թվում և անձնական, որովհետև որոշ դեպքերում այդ 0,1 տոկոսով ավել շահը կարող է լուրջ առավելություն տալ ինչ-որ հարցում
Դիտել նաև
Շարունակելով մեր «քաղաքական միամտության» թեման... Մեր հարաբերությունները Ռուսաստանի, ռուսների ու ռուսաստանահայերի հետ... Երեկ, երբ գրել էի, որ Լավրովի հարցազրույցին ներկա 4 հոգուց 3-ը հայկական արմատներ ունեն, ոմանք սկսեցին քննադատել այդ մարդկանց, իրենց մեղադրել «հայու գենին» դավաճանելու համար ևն։
Ախր ծիծաղելի է...
Լավրովը ծնվել է 1950 թվականին Մոսկվայում, դիվանագիտական ծառայությունը սկսել Սովետում, շարունակել Ռուսաստանում։ Նա Ռուսաստանի քաղաքացի է, ծառայում է Ռուսաստանին ու լավ է ծառայում։
Իր հայկական ծագումը կարող է որոշակի լրացուցիչ օգուտ / բոնուս լինել Հայաստանի համար միայն եթե մեր շահը որևէ կերպ չի հակասում Ռուսաստանի շահին։ Այլապես նա ուղղակի չի լինի ՌԴ արտգործնախարար։
Այսինքն եթե ինչ-որ հարցում մեր շահերը համընկնում են ռուսների շահերի հետ 99,9 տոկոսով, ապա Լավրովի հայկական ծագումը կարող է որպես բոնուս մեր շահերի համընկնումը ավելացնել ևս 0,1 տոկոսով՝ հասցնելով այն 100 տոկոսի։ Ու վերջ։
Մարգարիտա Սիմոնյանն էլ է Ռուսաստանի քաղաքացի և ՌԴ պետական պաշտոնյա (ռուսական պետական ամենախոշոր լրատվական կոնցերնի ղեկավարներից է)։ Նա կարող է Հայաստանին օգուտ տալ միայն եթե դա չի հակասում Ռուսաստանի շահերին։
Երկրորդ կարևոր պահը. անկախ վերոնշյալից, այս մարդկանց հետ պետք է աշխատել բոլոր մակարդակներով, այդ թվում և անձնական։ Ու միշտ է պետք աշխատել, ոչ թե միայն երբ նեղն ես ընկնում։ Որովհետև որոշ դեպքերում այդ 0,1 տոկոսով ավել շահը կարող է լուրջ առավելություն տալ ինչ-որ հարցում։
Իրենք էլ նույնը մեզնից կարող են ակնկալել ու ստանալ։ Քաղաքականություն է։ Դիվանագիտություն։
Էմոցիաներին տրվելը, վիրավորելը, մեծ-մեծ դուրս տալը, նեղանալը՝ երեխայություն են։ Իսկ երեխայությունը միջազգային քաղաքականության մեջ կարող է մահացու լինել։
Կարեն Վրթանեսյանի ֆեյսբուքյան էջից
Հետևեք մեզ Facebook-ում