Թուրքիան կոչ է արել Մոսկվային հրաժարվել Ասադին աջակցելուց
Թուրքիայի ԱԳ նախարար Մևլութ Չավուշօղլուն հեռախոսազրույց է ունեցել Ռուսաստանի ԱԳ նախարար Սերգեյ Լավորվի հետ։ Հեռախոսազրույցի ընթացքում նախարարները քննարկել են Սիրիայի հակամարտությունը, Չավուշօղլուն նշել է, որ ռուսական ղեկավարությունը ժամանակին անհրաժեշտ քայլեր չի կատարել Սիրիայում հրադադարի ընթացքում և կոչ արել Ռուսաստանին հրաժարվել Սիրիայի նախագահ Բաշար Ասադին աջակցելուց:
Լավրովն էլ իր հերթին ընդգծել է, որ ԱՄՆ-ի կողմից սիրիական ավիակայանի հրթիռակոծությունը հարվածի տակ է դնում Մոսկվայի եւ Անկարայի՝ սիրիական հակամարտության կարգավորման ջանքերը:
Հիշեցնենք, որ ԱՄՆ-ի ռազմածովային ուժերը հրթիռակոծության են ենթարկել Սիրիայի Հոմս նահանգում գտնվող ավիակայանը։ Միացյալ Նահանգներն այս քայլը հիմնավորել են սիրիական բանակի կողմից քիմիական զենքի կիրառմամբ։ Սիրիայի իշխանությունները ժխտում են իրենց առնչությունը քիմիական զենքի կիրառման հետ, նշելով որ զենքն օգտագործել են ԱՄՆ-ի կողմից աջակցություն ունեցող ահաբեկիչները։
Zham.am
Հետևեք մեզ Facebook-ում