Սոլովյովը կոչ է արել պատժել ադրբեջանցուն, ով կոչ էր անում սպանել Պեգովին. Տեսանյութ

Ռուսաստանցի հայտնի լրագրող և հաղորդավար Վլադիմիր Սոլովյովը դատապարտել է մոսկվաբնակ ադրբեջանցի Սադատ Գուլիևի այն արտահայտությունը, ըստ որի ադրբեջանցին «հույս է հայտնել, որ նա (Սեմյոն Պեգովը - խմբ.) կոչնչացվի»։ Դա ասվել է այն բանից հետո, երբ Սեմյոն Պեգովը տեսանյութ է հրապարակել Հադրութից, որն իբր, ըստ Ադրբեջանի նախագահ Իլհամ Ալիևի, գրավել էր ադրբեջանական կողմը։ 

Վլադիմիր Սոլովյովը վրդովվել ու հարց է բարձրացրել, «կա արդյոք մեր երկրում օրենք, կարգ ու կանոն»։ 

Ավելի վաղ տեղեկացրել էինք, որ «Девичья башня» Telegram-ալիքի հեղինակ Սադատ Գուլիևը Սեմյոն Պեգովի մահն է ցանկացել, ինչը քննադատության է արժանացել Ռուսաստանի մեդիադաշտի մի շարք հայտնի ներկայացուցիչների կողմից: 

Zham.am