Ադրբեջանի այն պնդումը, թե հայկական կողմը թիրախավորել է Գյանջա քաղաքը, բացարձակ սուտ է. Արցախի ՊԲ

Պաշտպանության Բանակը հայտնել է, որ չնայած պաշտպանության բանակը հետևում է Մոսկվայում ձեռք բերված հումանիտար հրադադարի մասին պայմանավորվածություններին և կրակ չի վարում՝ ադրբեջանական կողմը շարունակում է հրթիռահրետակոծության տակ պահել Ստեփանակերտը, Հադրութը, Մարտունին և Արցախի Հանրապետության այլ բնակավայրերը:

«Ադրբեջանական կողմը միևնույն ժամանակ ստահոդ տեղեկություններ է տարածում այն մասին, թե իբր ՊԲ ստորաբաժանումները թիրախավորել են Գյանջա քաղաքը: Հիշյալ պնդումները բացարձակ սուտ են և իրականության հետ որևէ առնչություն չունեն»,-նշված է ՊԲ-ի ֆեյսբուքյան գրառման մեջ: