Ո՞վ է Կրեմլում Նիկոլի «շպիոն Օնոն»

Ռուսաստանի նախագահ Վլադիմիր Պուտինի կողմից երեկ Արցախյան պատերազմի վերաբերյալ մեկնաբանություներն ուղղակի ցնծությամբ են ընդունվել Հայաստանի վարչապետ Նիկոլ Փաշինյանի շրջապատում...

 

Նիկոլին սպասարկող ԶԼՄ-ներից մեկն էլ երեկ մի նյութ էր հրապարակել, որը տարածվեց նաև համացանցում, ըստ որի, այդ ԶԼՄ-ի կրեմլյան աղբյուրները հաղորդել էին, որ "Փաշինյանն ու Պուտինն ունեն շատ լավ հարաբերություններ, որը "սպառնում" է վերածվել ընկերության"...

 

Նախ, ասեմ, որ շատ ուրախ կլինեի, եթե Փաշինյանի և Պուտինի հարաբերությունններն իրոք այդքան լավ լինեին, քանի որ Հայաստանի վարչապետը և նրա իշխանության հակառուսական փայատերերն ամեն ինչ արեցին, որ երկու տարվա մեջ սեպ խրեին հայ-ռուսական հարաբերությունններում, որը նրանց մոտ, ցավոք, որոշ չափով ստացվեց...

Բայց ինձ, նախ, ավելի հետաքրքրեց այն հանգամանքը, որ պարզվում է՝ հայաստանյան ԶԼՄ-ն Կրեմլում՝ Պուտինի շրջապատում աղբյուրներ ունի... Պատկերացնում եք, Փաշինյանին սպասարկող ԶԼՄ-ն "շպիոն Օնո" է պահում Կրեմլում, ով իրենց կարող է շատ կարևոր տեղեկություններ տրամադրել... Կարող է Նիկոլն այդ "շպիոն Օնոյին" դիմի պարզելու, թե ո՞վ կամ ովքե՞ր էին գաղտնալսում իր հեռախոսազրույցները տարբեր պաշտոնյաների հետ և այլն, քանի որ մերոնք չեն կարող դա բացահայտել...

 

Ի դեպ, Նիկոլին սպասարկող այդ լրատվամիջոցի կրեմլյան լրտեսի համար Փաշինյան-Պուտին "ընկերանալու" ապացույցը Վլադիմիր Վլադիմիրովիչի՝ "Ինչպես գիտեք, ես անընդհատ աշխատանքային կապի մեջ եմ Հայաստանի վարչապետի հետ, և Հայաստանի ղեկավարությունը ոչ մի հարց չունի Ռուսաստանի դաշնակցային պարտավորությունների կատարման որակի վերաբերյալ" արտահայտությունն է...

Զավեշտն այն է, որ Նիկոլի "կրեմլյան շպիոնը" երևի մոռացել է, որ նույն Կրեմլի պաշտոնական կայքում Արցախում պատերազմը վերսկսվելուց ի վեր՝ սեպտեմբերի 27-ից մինչև հոկտեմբերի 7-ը Նիկոլը 5 անգամ զանգահարել է Պուտինին, որի մասին և ակնարկում էր ՌԴ նախագահը ու դա գաղտնիք չէր ոչ մեկի համար... Սակայն Պուտինի կողքին աշխատող Նիկոլի "շպիոնի" այս բացահայտումից եկա այն եզրակացության, որ Փաշինյան- Պուտին հարաբերություններն իրոք այնքան վատ են եղել, որ Նիկոլի 5 զանգին պատասխանելը նրա և Նիկոլին սպասարկող ԶԼՄ-ի համար շատ մեծ ձեռքբերում է...

 

Ի դեպ, Նիկոլի շրջապատը և նրան սպասարկող ԶԼՄ-ները վերջին օրերին յուրահատուկ ռուսամետ են դարձել՝ իրար հրելով փորձում են տեղավորվել Վլադիմիր Վլադիմիրովիչի հաստ աղիքում՝ մոռանալով, որ Կրեմլում երբեք չեն մոռանա այս վերջին երկու տարիներին նրանց կուռքի և վերջինիս սպասարկողների բացահայտ ու ծածուկ տարվող հակառուսական քաղաքականությունը...

 

Հետաքրքիր է, Կրեմլում "լրտես" պահող նիկոլական ԶԼՄ-ն կարո՞ղ է Սպիտակ Տանը ևս լրտես ունի, ու մենք իմանանք, թե Թրամփն ինչու՞ այսպես անտարբեր գտնվեց Հայաստանի ու Արցախի նկատմամբ...