Սիրիան կոչ է անում ՄԱԿ ԱԽ արտակարգ նիստ գումարել եւ ուսումնասիրել ԱՄՆ կոպտագույն ագրեսիայի վտանգավոր հետեւանքները
Սիրիայի կառավարությունը կոչ է անում ՄԱԿ-ի Անվտանգության խորհրդի նիստ գումարել՝ ԱՄՆ-ի կողմից իրականացված հրթիռակոծման հարցով և դատապարտել «ամերիկյան ագրեսիան, գտնել գործող միջոց, որը կերաշխավորի նման դեպքերի կրկնության անհնարինությունը»։ Այս մասին հայտնում է սիրիական «ՍԱՆԱ» պետական լրատվական գործակալությունը, նշելով, որ նման գործողությունները սպառնալիք են տարածաշրջանի և ամբողջ աշխարհի անվտանգության ու կայունության համար։
Միաժամանակ գործակալությունը հայտարարում է, որ Սիրիական Արաբական բանակը քիմիական զենք չունի և երբեք չի կիրառել այն հանցավոր խմբավորումների դեմ։ Բացի այդ Սիրիան դատապարտում է ցանկացած քիմիական միջոցների կիրառումը՝ «որտեղ էլ որ լինի, ում կողմից որ լինի, և ոչ մի դեպքում»։
Սիրիայի ԱԳՆ-ն նաև հայտարարել է, որ ահաբեկչական խմբավորումները Սիրիայի տարբեր հատվածներում պահում և կիրառում են քիմիական զենք և որ մի շարք պետություններ, այդ թվում Թուրքիան, Սաուդյան Արաբիան, Քաթարը և մի քանի եվրոպական պետություններ ոչ միայն տեղյակ են դրա մասին, այլև պաշտպանում են այդ խմբավորումներին։
Zham.am
Հետևեք մեզ Facebook-ում