Պատերազմը չի ավարտվել. Ադրբեջանը շարունակում է ինտենսիվ զինվել
Պատերազմը չի ավարտվել։ Մի շտապեք տոնել կամ հաղթանակ նշել դիրքային որոշ հաջողությունների հաշվին։ Ինչպես նախորդ օրերին դիրքային նահանջը պարտություն չէր, էնպես էլ դիրքային բարելավումը դեռ հաղթանակ չի։
Ադրբեջանը շարունակում է ինտենսիվ զինվել։ Միայն այսօր Ուկրաինայից ու Թուրքիայից 2 խոշոր բեռնատար է ժամանել։ Նույնը եղել է նախորդ օրերին։ Դրանցով հաստատ օծանելիք չեն ներկրում։ Ու չնայած իրենց արտգործնախարարը մեկնում է Ժնև բանակցությունների, դա դեռ չի նշանակում, որ Ալիևը հաշտվել է ռազմաճակատում խայտառակ տապալման հետ։
Ընդհակառակը։ Ալիևի համար ռազմական գործողությունների նոր ու ավելի կատաղի ալիքը, դրանով ինչ֊որ հաջողություն ունենալու հույսը, փրկության վերջին օղակներն են։ Ու կործանվող բռնապետը հաստատ կգնա դրան։
Վաղը պետք է սպասենք նոր ու ավելի ինտենսիվ գործողությունների։ Բանակն իր գործը հրաշալի գիտի, իսկ մենք հոգեպես պատրաստ լինենք ու չթուլանանք փոքր (բայց կարևոր) հաջողությունից։
Հետևեք մեզ Facebook-ում