«Հաղթելու ենք, շատ գործեր ունենք, շուտ ավարտենք, հետ գանք». տղաներն արձանգանքել են մարտակոչին. Տեսանյութ
«Հաղթելու ենք, շատ գործեր ունենք, շուտ ավարտենք, հետ գանք». տղաներն արձանգանքել են մարտակոչին: Այս մասին տեսանյութ է հրապարակել ՀՀ կառավարությունը։
Տղե՛րք, հայրենիքն ունի ձեր կարիքը: Այս մասին ֆեյսբուքյան ուղիղ եթերի ընթացքում մարտակոչով դիմելով վերջին մեկ տարում զորացրված մեր զինվորներին՝ հայտարարեց ՀՀ վարչապետ Նիկոլ Փաշինյանը:
Վարչապետը հայտարարեց՝ ովքեր վերջին 1 տարվա ընթացքում են զորացրվել, ենթական չեն զորակոչի: «Նրանք գործնականում մեր ամենամարտունակ մոբիլիզացիոն ռեսուրսն են, և խնդիրն այն է, որ այսօր հայրենիքն ունի այդ մարդկանց կարիքը: Իմ կոչն այն է, որ մեր զորացրված տղաներն այս պահից սկսած՝ ներկայանան կենտրոնական հավաքակայան և զինվորագրվեն հայոց բանակին»,-ասաց նա՝ վերահաստատելով իր խոսքը, թե սա ոչ թե Ղարաբաղի հարց է, այլ Հայոց ցեղասպանությունը շարունակելու քաղաքականություն, և այսօր պետք է ժողովրդին պաշտպանել ցեղասպանությունից.
«Եթե մենք ոտքի չկանգնենք, բոլորովս ենթարկվելու ենք ցեղասպանության: Այսօր Հայաստանի քաղաքացին Դեր Զորի ճամփորդը չէ և պետք է կարողանա պաշտպանել իրեն»,-ասաց Փաշինյանը:
«Ուզում եմ հրավիրել ու անկեղծ ասել, որ իրենք չեն հրավիրվում ուղղակի մարտական հերթապահություն կամ ծառայություն իրականացնելու, իրենք հրավիրվում են հայրենիքի համար կենաց-մահու կռիվ տալու»,-ասաց նա՝ նշելով, թե ովքեր ունեն զիվորական հագուստ, դրանով ներկայանան:
Տեսանյութն՝ այստեղ
Հետևեք մեզ Facebook-ում