Կրեմլում պատմել են Ռուսաստանի երկխոսության մասին Ղարաբաղի հարցով Թուրքիայի և Ադրբեջանի հետ
Ռուսաստանը Լեռնային Ղարաբաղի հակամարտության թեմայով աշխատանքային շփումների պակաս չունի ո՛չ Ադրբեջանի, ո՛չ Թուրքիայի հետ, երկխոսությունն իրականացվում է մշտապես և բարձր մակարդակով, իսկ պետությունների ղեկավարների հեռախոսային շփումներն անմիջականորեն կախված են նրանց աշխատանքային գրաֆիկներից և նպատակահարմարությունից․ այս մասին լրագրողներին հայտարարել Է ՌԴ նախագահի մամուլի քարտուղար Դմիտրի Պեսկովը: Այս մասին հայտնում է «ՌԻԱ Նովոստի»-ն:
«Դա կախված է նախագահների աշխատանքային գրաֆիկներից և նպատակահարմարությունից։ Դուք գիտեք, որ դա ամենևին էլ չի նշանակում, որ ռուսական կողմը ինչ-որ պակաս է զգում աշխատանքային շփումների», - հայտարարել է Պեսկովը՝ պատասխանելով այն հարցին, թե ինչու Ռուսաստանի նախագահ Վլադիմիր Պուտինը Ղարաբաղում պատերազմի բռնկումից ի վեր երեք անգամ հարցը քննարկել է Հայաստանի վարչապետ Նիկոլ Փաշինյանի, բայց ոչ մի անգամ՝ Ադրբեջանի և Թուրքիայի նախագահներ Իլհամ Ալիևի և Ռեջեփ Էրդողանի հետ։
Պեսկովը նշել է նաև, որ ՌԴ արտգործնախարար Սերգեյ Լավրովը մշտական կապի մեջ է թե՛ Ադրբեջանի, թե՛ Թուրքիայի իր գործընկերների հետ:
«Այդ իսկ պատճառով ռուս-թուրքական և ռուս-ադրբեջանական երկխոսությունը, ինչպես նաև ռուս-հայկականը, ղարաբաղյան հակամարտության թեմայով իրականացվում է ամենաբարձր մակարդակով և մշտական հիմքով», - հայտարարեց ՌԴ նախագահի մամուլի քարտուղարը:
Zham.am
Հետևեք մեզ Facebook-ում