Ձեր վրդովմունքն արտահայտեք Արցախի հայերի բնաջնջման Ադրբեջանի բացահայտ ցանկության դեմ, որը Թուրքիայի օժանդակությամբ է. 13,մլն հետևորդ ունեցող Ռոնդա Ռոուզին հայերին սատարող գրառում է արել

Ամերիկացի հայտնի մարզուհի և դերասանուհի, խառը մենամարտերի MMA, UFC-ի չեմպիոն, ձյուդոյի 2007թ. աշխարհի փոխչեմպիոն, 2008թ. Պեկինի Օլիմպիական խաղերի բրոնզե մեդալակիր Ռոնդա Ռոուզին Ինստագրամի իր էջում Հայաստանին սատարող գրառում է արել` կոչ անելով Ադրբեջանին դադարեցնել ագրեսիան:

«Հայաստանն ու Արցախը հարձակումների են ենթարկվում: Միասնական լինենք` այս խնդրի մասին իրազեկելու գործում համաշխարհային ջանքերին: Ձեր վրդովմունքն արտահայտեք Արցախից հայերի բնաջնջման Ադրբեջանի բացահայտ ցանկության, անառարկելի հարձակումների դեմ, որոնք Թուրքիայի օժանդակությամբ են: Դիմեք ձեր նախագահին ՝ դատապարտելու Ադրբեջանի և Թուրքիայի գործողությունները: Մենք կարող ենք կրկին խաղաղություն ունենալ Հայաստանում: Միացեք մեր գլոբալ մարդասիրական ջանքերին»,-գրել է նա` կոչ անելով ֆինանսապես աջակցել Հայաստանին հայկական հիմնադրամի միջոցով, որի ակտիվ հղումը Ռոնդան տեղադրել է իր էջի «բիո» հատվածում:

Հավելենք, որ Ռոնդան Ինստագրամում ունի ավելի քան 13 մլն հետևորդ:

Աղբյուր՝ Tert.am

 

 

 

View this post on Instagram

A post shared by Ronda Rousey (@rondarousey) on Oct 4, 2020 at 10:17am PDT