Ադրբեջանում խուճապային տրամադրությունները մեծանում են և աստիճանաբար դառնում են իշխանության համար անվերահսկել

Ադրբեջանում խուճապային տրամադրությունները մեծանում են և աստիճանաբար դառնում են իշխանության համար անվերահսկելի։ Որոշ ջղաձգումներ են նկատվում նաև այդ երկրի ռազմաքաղաքական ղեկավարության շրջանում, ինչով էլ կարելի է պայմանավորել վերջին ժամերի քայլերը։

Հայկական ռազմական սահմանների անձեռնմխելիությունը հաջողությամբ պահպանելու համար մեզ՝ ռազմաճակատում չգտնվողներիս անհրաժեշտ է միայն ինքներս չտրվել ադրբեջանական կողմից եկող ապատեղեկատվությանը, որ նպատակ ունի մեզ բարոյալքել, հուսահատեցնել և խուճապի մատնել։

Վստահ եմ, որ մեր բոլորի զգոնության շնորհիվ դա չի ստացվելու։ Ուստի ևս մեկ անգամ հորդորում եմ բոլորին.

Արցախում խուճապ չկա, մեր բանակը վստահելի կերպով կատարում է գործը, ուստի թիկունքում պետք է հավատալ ԲԱՑԱՌԱՊԵՍ հայկական պետությունների տրամադրած լուրերին։

Ձեր բարեկամի, հարևանի, ընկերոջ ասածը չի կարող հիմնավոր լինել, քանի պետություն չի հայտարարել դրա մասին։ Ավելին, պատերազմի պայմաններում ամեն ինչ չէ, որ պետք է հայտնել։ Ուստի զինվեք համբերությամբ և թիկունք եղե՛ք տղերքին։

Վստահ եղե՛ք, որ Ադրբեջանը պիտի կործանվի, իսկ Հայաստանը՝ դառնա նոր որակի երկիր նաև ձեր կարգապահության շնորհիվ։