«Ինչ է կատարվում Հայաստանում»,. Քիմ Քարդաշյանը հրապարակել է հայ տիկտոկերի տեսանյութը Արցախում տիրող իրավիճակի մասին. Տեսանյութ

Քիմ Քարդաշյանը Ֆեյսբուքի իր էջում և Ինստագրամի սթորի բաժնում կիսվել է «Տիկ տոկ»-ում հայտնի հայ աղջկա՝ Լիլիթ Բրոյանի անգլերեն ուղերձով, որում նա պատմում է, թե ինչպես է Ադրբեջանը հարձակում սկսել Արցախի ոչ միայն մարտական հենակետերի, այլև խաղաղ բնակչության ուղղությամբ:

Քիմն այս հրապարակումը վերնագրել է՝ «Ինչ է կատարվում Հայաստանում»՝ կից օգտագործելով նաև «Հայաստան», «Արցախ», «Արցախն ուժեղ է» հեշթեգերը:

Հիշեցնենք, որ օրերս Քիմը Արցախի կողքին կանգնելու կոչով էր հանդել եկել: «Աղոթում ենք Արցախն ու Հայաստանը պաշտպանելու համար իրենց կյանքը վտանգող քաջ տղամարդկանց ու կանանց համար: Հայաստանը դարձել է չհրահրված ադրբեջանական հարձակումների և դրանց ուղեկցող կանխատեսելի ապատեղեկատվական արշավի զոհը: Ադրբեջանն արգելափակում է սոցցանցերը՝ բացառությամբ քարոզչության դեպքերը»,-նշել էր նա: 

Աղբյուր՝ Tert.am