Կոնստանտին Զատուլին. «Ղարաբաղը հայկական հող է. հայերը չեն կարող լքել այն». Տեսանյութ

Ռուսաստանի Պետդումայի պատգամավոր, ԱՊՀ հարցերով հանձնաժողովի անդամ Կոնստանտին Զատուլինը «СоловьёвLIVE» հաղորդաշարի ժամանակ մեկնաբանել է Արցախում տեղի ունեցող ռազմական գործողությունները: Զատուլինը մասնավորապես նշել է, որ Ադրբեջանը  հավանաբար որոշում է կայացրել ցույց տալ, որ կարող է ռազմական ճանապարհով լուծել Ղարաբաղի հարցը:

«Ադրբեջանը հավանաբար որոշել է ցույց տալ, որ կարող է ռազմական ճանապարհով որոշել Ղարաբաղի ճակատագիրը:  Զուտ  քարոզչական նկատառումներից ելնելով էլ հայտարարել է, որ Հայաստանն է առաջինը սանձազերծել նոր բախումները: Չնայած որ ցանկացած անկողմնակալ դիտորդ հասկանում է, որ Հայաստանը կարիք չուներ դա անելու, ինչպես և Ղարաբաղը: Հայաստանն ու Ղարաբաղը հանդես են գալիս հոգուդ ստատուս-քվոյի պաշտպանության: Իսկ Ադրբեջանն ուզում է հաղթահարել այդ ստատուս- քվոն և ցուցադրել, որ կարող  է ռեվանշի հասնել», - նշել է Զատուլինը:

Ռուս պատգամավորը նշել է, որ այս փուլում վճռորոշ դեր է խաղացել և այն, որ Թուրքիան ցանկություն է հայտնել ուժեղացնել իր ազդեցությունը տարածաշրջանում: Հենց դրանով է պայմանավորված Թուրքիայի նախագահի և այլ պատգամավորների հայտարարությունն առ այն, որ իրենք ամբողջովին աջակցում են Ադրբեջանին, իսկ հայերը պետք է լքեն « օկուպացված» տարածքները:

Հակադարձելով Թուրքական կողմի հայտարարություններին՝ Զատուլինը նշել է, որ, եթե հայերն «օկուպացրել» են այդ տարածները, ապա   այդ «օկուպացիան» տևում է  մարդկության գրավոր պատմության վերջին  2500-3000 տարիների ընդհացքում:

«Այս տեսանկյունից հայերը ոչ մի պարագայում չեն կարող լքել Ղարաբաղը, դա իրենց տարածքն է, հայերի հողը: Դա այն հողն է որտեղ կանգնած են հայկական եկեղեցիները, որտեղ կան իրենց նախնիների շիրիմները», - նշել է Զատուլինը:

 Մանրամասները տեսանյութում՝ 10:55 նիշից սկսած:

Zham.am