Է. Շարմազանովը Ծառուկյան դաշինքի հետ համագործակցության մասին
-ՀՀԿ նախագահ Սերժ Սարգսյանի առաջարկությամբ միաձայն որոշվել է Երևանի ավագանու ընտրություններում ՀՀԿ համամասնական ցուցակը կգլխավորի գործող քաղաքապետ, ՀՀԿ ԳՄ անդամ, Երևանի կառույցի պատասխանատու պարոն Տարոն Մարգարյանը: Երկրորդ համարը միջազգային գրոյսմասթեր Սմբատ Լպուտյանը, երրորդ՝ Հովիկ Մուսայելյանը, - տեղեկացրեց ՀՀԿ մամուլի խոսնակ Էդուարդ Շարմազանովը կուսակցության Գործադիր մարմնի նիստի ավարտից հետո, հավելելով, որ հաջողության դեպքում գործող քաղաքապետը կշարունակի պաշտոնավարել նույն պաշտոնում:
Ինչ վերաբերվում է խորհրդարանական ընտրություններից հետո կոալիցիա կազմելուն, ՀՀԿ խոսնակն ասաց, որ նման հարց չի քննարկվել, քանի որ չկա ԿԸՀ-ի վերջնական արդյունքները:
- Կարծում եմ պարզ մաթեմատիկական հաշվարկներին տիրապետում եք: Մի բան փաստ է, որ Հանրապետականն իրավունք է ձեռք բերել ձևավորել նոր կառավարություն: Միայնակ, թե կոալիցիոն գործընկերների հետ՝ կքննարկենք, - ասաց նա:
-Ծառուկյան դաշինքը տպավորիչ քանակի ձայներ է ստացել և գրավել է երկրորդ տեղը: Լավ է, վատ է, ճիշտ է, սխալ է իմ դուրը գալիս է, չի գալիս իրականություն է սա, և փաստը նրանում է, որ երկրորդ ազդեցիկ ուժը խորհրդարանում Ծառուկյանի գլխավորած դաշինքն է: Ինչ վերաբերվում է համագործակցությանը Ծառուկյան դաշինքի հետ, և ոչ միայն նրա, այլև մյուսների, պետք է նշեմ մի բան է կոալիցիա, միասնական պատասխանատվություն, մեկ այլ բան համագործակցություն, - ասաց նա, նշելով, որ խորհրդարանական համակարգի պայմաններում հնարավոր չէ չհամագործակցել, այդ թվում ընդդիմադիր ուժերի հետ:
- Անխուսափելի է համագործակցությունը թե Ծառուկյան դաշինքի, թե Ելքի հետ, հարկ եղած դեպքում նաև արտախորհրդարանական ուժերի հետ:
Zham.am
Հետևեք մեզ Facebook-ում