Սերժ Սարգսյանին պետք էր, որ Նիկոլը մտնի Ազգային Ժողով և Նիկոլը կատարեց պատվերը

Պարզվում է, որ երբ Փաշինյանը գարաժից գարաժ թռչկոտելով գոչում էր «ելք կա», ինքը 10 տոկոսանոց քիփլիկ անցք ի նկատի ուներ։ Իրանց մի քանի մանդատը ստացան ու սուս-փուս նստան տեղները։ Այսինքն, չէ, չնստան, լավ էլ ընկել են ֆեյսբուքով մեկ ու լրատվական տարբեր հարթակներով թմբկահարում են, թե ինչ «արդար» ընտրություններ ենք ունեցել, ինչ լավ էր ամենինչ կազմակերպված և որ իրոք ժողովրդի մեծամասնությունն ընտրել է ՀՀԿ-ին։

Դե իհարկե, Սերժ Սարգսյանի սիրուն աչքերի, կամ Աշոտյանի փայլուն ճակատի համար չեն դա անում՝ կոնկրետ հանձնարարություն են կատարում։ Բայց զարմանալին այն է, որ ընտրություններից հետո «Ելքի» ու իշխանության միջև եղած «սերտ կապի» մասին խոսում են այլ քաղաքական ուժեր։ Պարոնայք, բա նախընտրական քարոզարշավի ժամանակ ինչի՞ չէիք ասում դրա մասին։

Ձեզ հնարավորություն էր տրվել բացահայտել բոլորին, պատռել կեղծ ընդդիմադիրների դիմակները, հույս արթնացնել ու ոտքի հանել ժողովրդին։ Սերժ Սարգսյանին պետք էր, որ Նիկոլը ելքով մտնի Ազգային Ժողով և Նիկոլը կատարեց պատվերը։ Ընդ որում չենք կարող ասել, որ հաղթելու շանսեր ուներ ու հրաժարվել է իր ընտրողներից։ Ինչքան իրան ձայն են տվել ժողովուրդն ու Սերժ Սարգսյանը, էդքանով էլ ինքը Ազգային Ժողովում «ընդդիմություն» է խաղալու։

Իսկ ձեր անելիքը ո՞րն է։ Սերժ Սարգսյանին հաջողվեց ջախջախիչ հաղթանակ տանել հայ ժողովրդի նկատմամբ և հիմա պետք է սեփական անելիքների մասին մտածել, այլ ոչ թե ընկնել մանր-մունր իշխանական տասովչիկների հետևից։

Սամվել Ստեփանյանի ֆեյսբուքյան էջից