Պատրաստվում եմ դատի տալ Freenews.am կայքի խմբագրությանը, եթե վաղը մինչև ժամը 18։00֊ն տարածած ապատեղեկատվության հերքումը չհրապարակի

Երեկ դատարանի դիմաց Գագիկ Ծառուկյանին աջակցող՝ հատկապես երիտասարդներից, լրագրողները պարբերաբար հարցազրույցներ էին վերցնում։

Հատկանշական է այն փաստը, որ կար լրագրողների մի խումբ, որն ամեն կերպ փորձում էր սենսացիոն բացահայտում անել, գնալով ամենածիծաղելի քայլերին։

 

Երեկ դատարանի դիմաց, Freenews.am կայքի լրագրողը մոտեցել է Գագիկ Ծառուկյանին աջակցող երիտասարդներից՝ Վիգեն Պապոյանին, առանց տեսախցիկի ու «խոսեցրել»։

Թե բա «Ավտոբուսներն ու՞ր տարան, որ մարդկանց էին բերել», «Դեմքդ ծանոթա, կարողա X դպրոցում ես սովորում» և այլն։

 

Ընթացքում երիտասարդները նկատել են, որ լրագրողը փորձում է պարբերաբար հեռախոսով ձայնագրել խոսակցությունը ու առաջարկել են լրագրողին, որ եթե նյութ է հարկավոր պատրաստ են տեսախցիկի առաջ հարցազրույց տալ, ինչն էլ լրագրողը մերժել է ասելով որ կարիք չկա։

 

Կարճ ժամանակ անց, մամուլում շրջանառվեց մի նյութ (հենց Freenews.am կայքում, որից էլ մի քանի լրատվականներ վերցրեցին ու տարածեցին), թե Գագիկ Ծառուկյանին աջակցողները դպրոցում սովորող աշակերտներ են ու նյութում տեղադրվեց Վիգեն Պապոյանի նկարը։

Դե պարզ է, որ այս ամենին հաջորդեց նյութի մեկնաբանություններում իշխանական ֆեյքերի ակտիվ խլվրտոցը։

 

Քանի որ երեկ դատարանի դիմաց Գագիկ Ծառուկյանին աջակցողները, չեն եղել դպրոցում սովորող աջակերտներ և Վիգեն Պապոյանն էլ հանդիսանում է քոլեջի ուսանող (կից ներկայացրել եմ փաստաթուղթը) (բժշկական հսկողության տակ լինելու հիմքով, ունի դասերին չմասնակցելու թույլտվություն՝ սեպտեմբերի 23ից) ու քանի որ այս քայլը ապակողմնորոշում է քաղաքացիներին, հարվածի տակ է դնում Գագիկ Ծառուկյանին աջակցող երիտասարդների բարի համբավը և վերջապես փորձ է կատարվում, ինչ որ կերպ բացասական ազդեցություն ունենալ Գագիկ Ծառուկյանի անվան վրա, պահանջում եմ, որ Freenews.am կայքը իր էջում տարածած ապատեղեկատվության հերքումը տեղադրի հետևյալ վերնագրով՝ «Freenews.am կայքի տարածած նյութը, Գագիկ Ծառուկյանին աջակցողների դպրոցական աշակերտ լինելու մասին՝ ապատեղեկատվություն է, ինչի համար հայցում ենք Գագիկ Ծառուկյանի աջակիցների և մեր ընթերցողների ներողամտությունը»։

 

Ես չէի անդրադառնա այս միջադեպին եթե չտեսնեի լրագրաղական դաշտում կատարվող իրադարձությունները, որոշ լրագրողների նյութ սարքելու մոլուցքն ու +1 դիտում ունենալու համար տարածած ամենավերջին ապատեղեկատվության ահռելի քանակը։