Լեդի Գագայի հայ դիզայները պատմել է տեսահոլովակի հայտնի զգեստի մասին. լուսանկարներ

Լեդի Գագայի՝ ազգությամբ հայ դիզայները՝ Կարինա Հակոբյանը, Ինստագրամի իր էջում հրապարակել է Լեդի Գագայի՝ տեսահոլովակում կիրառված հայտնի զգեստի լուսանկարները։

«Այս զգեստն ի սկզբանե ստեղծվել է դեռ 2017 թվականին՝ մի շարք լուսանկարների համար, որոնք ես ուզում էի անել: Հագուստը պատրաստված է կաշվից, որը ամբողջությամբ ժանեկապատ է՝ ծաղկային հավելվածով, և ունի ներկված տարրեր: Գլխարկը ոգեշնչված է Կոկոշնիկի (ռուսական գլխարկ) ձևից: Նմանատիպ դեկորատիվ նախշերով մշակույթներ քիչ կան, բայց ինձ ոգեշնչողն ի սկզբանե եղել է սև Խոխլոման: Իմ աշխատանքով ես «խաղում եմ» այնպիսի հակադրությունների վրա, ինչպիսիք են գեղեցկությունն ու տգեղությունը, կանացիությունն ու ագրեսիան, հինը և ժամանակակիցը, պատմվածքն ու հեքիաթները: Նայելով ավելի մութ ուղղությամբ` ես դա կապեցի սև կաշվի հետ` ստեղծելով այնպիսի կերպար, որը պոտենցիալ այլմոլորակային է՝ երկար գլխով և ոտքերով`ընդգծված առանց կրունկների կոշիկներով: Դրանից հետո կերպարը ստացել է «Floral Alien» մականունը: Այն փոխաբերական իմաստով ներկայացնում է նաև մահը, ինչպես գետնին քայքայվող մարմինը, որը դրանից ծաղիկներ է աճեցնում ՝ ի վերջո կյանքի նոր շրջապտույտ սկսելով: Շատ դիզայներների նման ես աշխատում եմ ուրվագծի և տրամադրության հիման վրա։ Ես հաճախ նկարչության կամ նկարազարդման միջոցով նկարում եմ զգեստի կառուցվածքը»,-գրել է Կարինա Հակոբյանը:

 

 

 

Посмотреть эту публикацию в Instagram

Публикация от Karina Akopyan (@karinaakopyan_) 21 Сен 2020 в 9:16 PDT