Տոնոյանի և Մնացականյանի խոսքին սպասելիս. ե՞րբ կիմանանք ճշմարտությունը
Արցախյան հակամարտությասն վերաբերյալ Հայաստանի իշխանությունների կողմից վարած գաղտնի բանկցությունների մասին ադրբեջանական լրատվամիջոցներում կազմակերպված արտահոսքը (կամ ֆեյքը) բուռն քննարկումնների առիթ է դարձել հայաստանյան հանրության շրջանում, իհարկե ակնհայտ է, որ ադրբեջանական լրատվամիջոցներում տեղ գտած հրապարակումները չի կարելի հալած յուղի տեղ ընդունել, սակայն եկեք փորձենք սթափ վերլուծել փաստերի եղելությունը:
ԱՄՆ նախագահի ազգային անվտանգության հարցերով նախկին խորհրդական Ջոն Բոլթոնը իր Հայաստանյան այցի ժամանակ ընդգծել էր, որ կան սպասելիքներ առ այն, որ Ղարաբաղյան հակամարտության կարգավորման գործընթացում կլինեն փոփոխություններ:
Հետագայում ադրբեջանցի բարձրաստիճան պաշտոնյանները, ի դեմս նախագահ Իլհամ Ալիևի և ԱԳՆ նախկին ղեկավար Էլմար Մամեդյարովի, հայտարարում էին, որ 2019 թ.-ը պետք է, որ բեկումնային լինի բանակցային գործընթացում:
ԵԱՀԿ մինսկի խմբի ամերիկացի նախկին համանախագահ Մեթյու Բրայզան իր հերթին նշոմ էր, որ ադրբեջանական ղեկավարության մոտ ամենաբարձր մակարդակի վրա շատ մեծ սպասումներ կային Նիկոլ Փաշինյանից, և նա հատուկ ընդգծում էր, որ այդ սպասումների հետ մեկտեղ կա մտավախություն, որ միգուցե Նիկոլ Փաշինյանը չի կարողանա էֆեկտիվ դիմագրավել Հայաստանյան ներքին ընդդիմության ճնշումներին:
Սրան հավելենք նաև այն, որ վարչապետ Փաշինյանը իր հրապարակային ելույթներում խոսել էր այն մասին, որ Ղարաբաղի հարցը կարող է և դրվել հանրաքվեի:
Երբ համադրում ես այս բոլոր իրողությունները և համեմատում ես այն ամենի հետ ինչ գրված էր ադրբեջանական լրատվամիջոցի հայտնի հոդվածում բանակցային գործընթացի վերաբերյալ, պատկերը դառնում է շատ ավելի պարզ և հասկանալի:
Այս կոնտեքստում պետք է անկեղծ լինել և ընդգծել, որ հայաստանյան և արցախյան հասարակությունները իրականությունը կիմանան միայն Հայաստանում նոր իշխանություն ձևավորվելուց հետո և այս համատեքստում շատ կարևոր է լինելու լսել հայաստանյան երկու պաշտոնյաների խոսքը: Խոսքը վերաբերվում է ՀՀ պաշտպանության նախարար Դավիթ Տոնոյանին և ՀՀ ԱԳ նախարար Զոհրաբ Մնացականյանին, սակայն կրկնենք, որ ճշմարտությունը մեզ հասու կլինի միայն նոր իշխանություն ձևավորվելուց հետո:
Սևակ Դանիելյան
Հետևեք մեզ Facebook-ում