Ինչո՞ւ է լռում ԱԱԾ-ն. ե՞րբ է հարցաքննվելու Փաշինյանի նախկին օգնականը

Սեպտեմբերի 21-ին ԱԱԾ տնօրեն Արգիշտի Քյարամյանը եռաբլուրում պատասխանելով լրագրողների հարցին կապված ռուսական «Դոսյե» կենտրոնիի հրապարակած նյութերի վերաբերյալ, նշել էր, որ նյութեր են նախապատրաստվում հրապարակմանը համապատասխան իրավական ընթացք տալու ուղղությամբ:

Հայկական ԱԱԾ-ն շատ օպերատիվ կերպով արձագանքեց ռուսական ընդդիմադիր գործիչ Միխայիլ Խոդորկովսկու կողմից  ֆինանսավորվող կառույցի հրապարակմանը և ակտիվորեն լծվեց Հայաստանում «ռուսական գործակալներ» փնտրելու գործին: Այս կոնտեքստում շատ հետաքրքիր կլինի տեսնել, թե ինչպես է ԱԱԾ-ն արձագանքելու երեկ ադրրբեջանական լրատվամիջոցներում տեղ գտած այն տեղեկությանը,  թե ՀՀ-ի վարչապետի նախկին խորհրդական Արսեն խառատյանը հանդիպումներ է ունեցել ադրբեջանցի պաշտոնյաների հետ և իրենց հետ քննարկել է  Ղարաբաղյան հակամարտության կարգավորման հնարավոր տարբերակները:

Իհարկե բոլորիս համար էլ պարզ է, որ  չի կարելի անվերապահ կերպով հավատալ ադրբեջանական քարոզչամիջոցներում տեղ գտած նորություններին, սակայն, եթե ԱԱԾ-ն պատրաստ է րոպե առաջ ընթացք տալ ռուսական ընդդիմադիր դաշտից եկող «տեղեկատվական սլիվներին», ապա կարելի է ակնկալել նաև այն, որ նա կստուգի  այլ երկրներից մեզ հասնող «տեղեկատվական սլիվները»:

Եվս մի անգամ ընդգծենք, որ  պետք չէ անվերապահորեն հավատալ ադրբեջանական քարոզչամիջոցներում տեղ գտած տեղեկություններին, սակայն ելնելով մեր ազգային անվտանգության շահերից, ԱԱԾ-ն պետք է մի շարք հարցեր տա վարչապետի նախկին խորհրդականին, ով ինչպես հայտնի է տարածաշրջանում սորոսական ցանցի առանձգային դեմքերից մեկն, և պարզի արդյո՞ք նա ունեցել է հանդիպումներ ադրբեջանցի պաշտոնյաների հետ: Թե չէ կստացվի մի իրավիճակ, որ  մենք լինելով պատերազմող երկիր, ով ունի խնդիրներ նաև Թուրքիայի հետ որին զզպում է հենց ՌԴ-ն,  անմիջապես  ընթացք ենք տալիս «ռուսական գործակալների դեմ գործին», սակայն ոչ մի ընթացք չեն տալիս բացահայտ կեպով Արևմտյան, իսկ ավելի կոնկրետ սորոսական շրջանակների ներկայացուցիչների կողմից իրականացվոծ գործնեության վերլուծությանը:

Եվ դա այն պայմաններում, երբ Ռուսաստանը մեզ համար անվտանգության համակարգի կարևորագույն բաղադրիչ է, իսկ ահա սորոսական շրջանակները ակնհայտ կերպով հետապնդում են այնպիսի շահեր, որոնք հակասության մեջ են մտնում Հայաստանի պետական շահերի հետ:

Սևակ Դանիելյան