Երվանդ Խունդկարյանի օգտին քվեարկել է երկու դատավոր. մեկն ինքն է
ՍԴ փակ նիստում շարունակվում է նախագահի և փոխնախագահի ընտրությունը։
Հիշեցնենք, որ երեք օր է՝ ՍԴ-ն փակ նիստ է անում, որտեղ քննարկվում են վերանշյալ հարցերը։ Երեկ ՍԴ դատավոր Էդգար Շաթիրյանը տեղեկացրեց, որ կա նախագահի ընդամենը մեկ թեկնածու՝ Երվանդ Խունդկարյանը։ Վերջինն ինքնաառաջադրվել է։
Մեկ այլ թեկնածու, որին առաջադրել էր դատավորներից մեկը, ինքնաբացարկ է ներկայացրել։
***
«Փաստինֆո»-ի տեղեկություններով` ՍԴ նախագահի պաշտոնի համար միակ առաջադրված թեկնածուի՝ Երվանդ Խունդկարյանի օգտին քվեարկել է 2 դատավոր։
Կայքի տեղեկություններով՝ նրան կողմ քվեարկածներից մեկը հենց ինքն է, իսկ մյուսը ՍԴ նախագահի ժամանակավոր պաշտոնակատար Աշոտ Խաչատրյանը։
Հիշեցնենք, որ քիչ առաջ ՍԴ դատավոր Էդգար Շաթիրյանը հայտարարեց, որ Երվանդ Խունդկարյանը չի ընտրվել ՍԴ նախագահ, քանի որ չի ստացել անհրաժեշտ քանակությամբ կողմ ձայներ։ Նշենք, որ թեկնածուն իրավունք ունի քվեարկելու ինքն իր օգտին։
Հավելենք, որ ՍԴ նախագահի պաշտոնում Երվանդ Խունդկարյանն ինքնաառաջադրվել էր, իսկ Հրայր Թովմասյանն առաջադրել էր Աշոտ Խաչատրյանի թեկնածությունը, սակայն վերջինս ինքնաբացարկ էր հայտնել։
Հետևեք մեզ Facebook-ում