Ֆիննախը հետընտրական գնաճի մասին

Այսօր Կառավարության հերթական նիստից հետո Ֆինանսների նախարար Վարդան Արամյանը պատասխանելով լրագրողների հարցին ընտրություններից հետո պարենային ապրանքների գների կտրուկ աճի վերաբերյալ ասաց. «Գնաճը պետք է հետ գա իր բնականոն աշխատանքի, այսօր մենք ունենք դեֆլացիա, և շատ նորմալ է, որ մեր նման տնտեսությունները ունենան շուրջ 4 տոկոսանոց գնաճ: Դա նաև նպաստող է տնտեսական աճին, որովհետև, եթե քեզ մոտ կա գնանկում, դա նաև որոշակիորեն տուգանում է տնտեսական աճը, որովհետև տնտեսվարողների մոտ նաև հակախթան է հանդիսանում, որպեսզի նրանք նոր ներդրումներ անեն կամ ընդլայնեն իրենց արտադրությունը»:

Ըստ նախարարի գնաճն արհեստական չէ: Դրա վրա ազդել է նաև աշխարհից եկող բացասական ազդեցությունը, ինչպես նաև ներքին տնտեսությունում պահանջարկի շեմը:

«Կենտրոնական բանկը պետք է իր ջանքերն ուղղի, որպեսզի գնաճը բերի 4 տոկոսանոց թիրախային միջավայրի, ինչն էլ անում է Կենտրոնական բանկը», - ասաց նախարարը:

Լրագրողների համառությանը՝ մեկնաբանել առաջին սպառման պարենային ապրանքների գների աճը, նախարարն ասաց, որ չի կարող ասել ու պետք է վերլուծվի:

Zham.am