Թուրք-ադրբեջանական համատեղ մեդիահարթակը կրկին ապատեղեկատվություն է տարածել. ավելի համոզիչ լինելու համար նաև լուսանկար հրապարակել

Թուրք-ադրբեջանական համատեղ մեդիահարթակը կրկին ապատեղեկատվություն է տարածել։ Եվ, որպեսզի այս անգամ ավելի համոզիչ լինի ապատեղկատվությունը, հրապարակել են ֆոտոներ։

Նախ թուրքական ոչ իշխանական, բայց իշխանության շահերը սպասարկող կայքերից մեկը հրապարակել է հոդված, որտեղ ասում է, որ Սիրիայի տարածքում գործող PKK-ն իր շարքերը համալրում է նաև հայերով։ Բացի հայերից, նաև հույներին են էլ են բաժին հանել ահաբեկիչներ լինելու մեղադրանքից և պնդում, որ Հունաստանից Սիրիա են ժամանել հույն ահաբեկիչներ, որպեսզի կռվեն Աֆրինում։

Բայց հույների հանգամանքը մի կողմ թողնենք և անդրադառնանք հայերին վերաբերվող մասին։

 Սրանք պնդում են, որ 250 հոգանոց հայկական խումբը, որը Սիրիայում կռվում էր իբրև թե PKK-ի կողմից, այժմ ժամանել է Հայաստան, որպեսզի «ահաբեկչական գործողություններ իրականանցի Ադրբեջանի սահմանամերձ» տարածքներում։ Հոդվածին կից հրապարակել են նկար, որտեղ իբրև թե այդ խմբի հավաքն է։ Այնքան տգետ են, որ նույնիսկ այս բեմականացումը չեն կարողացել համոզիչ անել և Հայաստանի դրոշը թարս կախել։ բոլորն էլ գիտեն, որ Հայաստանի դրոշը այնպես է կախվում, որ կարմիր գույնը լինում է առաջինը, ոչ թե վերջինը։ Մի խոսքով, այս նկարը շատ լավ փաստարկ է, որպեսզի մենք միջազգային հանրությանը ցույց տանք, թե ինչպիսի բեմականացում է կազմակերպում Թուրքիան և պարզապես սադրում ու իրավիճակ սրում։ Նկարում այլ դետալներ ևս կան, սակայն դրանք չեմ բարձրաձայնի, որպեսզի հաջորդ անգամ այն չշտկեն։

Կարեն Հովհաննիսյանի ֆեյսբուքյան էջից