Հեսա 10,20,100 դրամներով հետ կբերեն ամեն ինչ, դեռ մի բան էլ ավել

Ընտրություններից հետո իշխանական հաջորդ հարվածը թանկացումներն են: Հիմա ժամանակն է հետ բերել ընտրակաշառքի, ընտրությունների համար հազար ու մի մանրուքի՝ բուկլետ, պաստառ, ասֆալտ, աստղային համերգ և այլնի վրա ծախսված գումարները:
Թանկացումների բացումն արեց «Քեթրինի» Միհրանը, ով, պարզվում է՝ մեծ համակիրներ ու ընտրազանգված ունի, չնայած այդ նույն ընտրազանգվածից տարիների ընթացքում հազարավոր դոլարներ է շորթել: Նա չի հապաղում և բանանի գինը զգալիորեն բարձրացնում է՝ կիլոգրամի մեջ մոտ 100 դրամ «մտնելով»: Թանկացում է նկատվում նաև դիզվառելիքի շուկայում:
Բայց քանի որ առջևում Ավագանու ընտրություններն են՝ թանկացումները քիչ-քիչ աչքի կընկնեն. դեռ ժողովրդից ստանալու քվեներ կան: Այ հենց Ավագանու ընտրություններն էլ ավարտվեն, թանկացումների նոր ալիք է լինելու՝ ավելի աժան, ավելի բացահայտ:
Այդպես է՝ ընտրությունն էլ մի բիզնես է, փող են դնում, հետո հազարապատիկ եկամուտով շահած են դուրս գալիս: Բա գիտեք՝ մեր սիրուն աչքերի համար են ասֆալտներ փռում, նստարաններ ներկում, ինչ-որ հարցերում աջակցում: Հեսա 10,20,100 դրամներով հետ կբերեն ամեն ինչ, դեռ մի բան էլ ավել՝ կմնան իշխանության, որ մեզ մինչև վերջ քամեն: Բա գիտեք ընտրակաշառքը քթներիցդ չեն բերելու:

Գուրգեն Ամիրխանյանի ՖԲ էջից