Կործանումը սկսվում է մտավոր ներուժի դեֆիցիտից

Անգետ, տգետ, անգրագետ կառավարությունը ամենամեծ չարիքն է պետության և ժողովրդի համար: Դա ասել ենք հազար անգամ, և հազար անգամ մեր քաղաքական հակառակորդները մեզ ոչ թե հակադարձել, այլ ողողել են մեզ հայհոյանքներով: Թե բա` «Նիկոլը փրկիչ ա», իսկ որ Նիկոլի թիմը անգրագետ է` ոչ մեկին կարծես թե չի հուզում:

 

Ամբողջ աշխարհում խառը իրավիճակ է, մեր տարածաշրջանում դերերի փոփոխություն է ընթանում, արցախյան բանակցությունները վտանգի տակ են, հայկական դիրքերը թուլանում են` «հա, ինչ անենք, զատո Նիկոլը փրկիչ ա»:

 

Փրկիչ-փրկիչ գոռալով` գնում ենք դեպի կործանում:

 

Իսկ ինչ տեսք ունի կործանումը:

 

Կործանումը սկսվում է հայեցակարգի, ծրագրի, տեսլականի բացակայությունից: Մտավոր ներուժի դեֆիցիտից:

 

Կործանումը սկսվում է Ռուսաստանի հետ հարաբերվել չկարողանալուց:

 

Կործանումը սկսվում է Ադրբեջանի հետ ավելորդ սիրախաղ անելուց:

 

Կործանումը սկսվում է մադրիդյան սկզբունքներից հեռանալուց, պետության թուլանալուց, սեփական ժողովրդին ստերով կերակրելուց:

 

Բոլորս հպարտ ենք մեր բանակով, բայց եթե երկիրը շարունակաբար թուլանա, բանակն էլ չի կարողանալու լուծել անվտանգության հարցը: