Արյունաբանական կենտրոնը ձեր գեղի կլուբը չի, որ տարին մեկ տնօրեն փոխեք. եթե կարող էիք երկարաձգել պայմանագիրը, ինչո՞ւ ավելի շուտ չէիք անում

Արյունաբանական կենտրոնի տնօրենի շուրջ ստեղծված իրավիճակը շատ սրտաճմլիկ են ներկայացնում Փաշինյանն ու պրոփաշինյանականները, իբր` «վայ այ սրիկա բժիշկներ, հիվանդ էրեխեքին անբուժում եք թողնում ձեր տնօրենի աթոռի համար»:

Հատուկ անտեղյակների համար ասեմ, որ ներկա տնօրենին իրենք են նշանակել, ու աշխատակազմն էլ կարծես թե գոհ է: Սամվել Դանիելյանն Արյունաբանական կենտրոնի տնօրենի թափուր պաշտոնի մրցույթին մասնակցել և 2019 թվականի հունվարի 14-ին նշանակվել է տնօրեն: Մինչ այդ, 2018թ․ հունիսի 21-ից նա եղել է տնօրենի ժամանակավոր պաշտոնակատար: Մրցույթի արդյունքում Դանիելյանի հետ կնքվել է աշխատանքային պայմանագիր մինչև 2020թ․ հոկտեմբերի 1-ը` վերջինիս 65 տարեկան լրանալը:

Հիմա, ըստ իրենց ներկայացրածի` ազատման պատճառը տարիքն ա: 65 տարեկանն այլևս չի կարող մասնակցել տնօրենի մրցույթին:

Ոչ այդքան հարգելի կադրային քաղաքականություն իրականացնողներ, որ էտ մարդը դառնալու էր 65 տարեկան, գիտեիք դեռևս անցյալ տարի, ու այդ հիվանդանոցը ձեր գեղի կլուբը չի, որ տարին մեկ տնօրեն փոխեք: Կամ ի սկզբանե այնպիսի մարդ նշանակեիք, ով երկարաժամկետ հեռանկարում կղեկավարեր հիվանդանոցը, կամ էլ փոխեք չափորոշիչները ու թողեք պրոֆեսիոնալ մարդն աշխատի, եթե ցանկություն ունի: Նշանակում եք, մի տարի հետո հանում, հետո էլ հաթաթա տալիս բժիշկներին, թե բա հըլը ձեր հալը կտենաք: Ձեր սազանդարներն էլ ակտիվ ձեր երգն են երգում: Բա, որ կարում էիք նենց անեիք, որ պայմանագիրը հնարավոր լինի երկարաձգել, ինչի՞ չէիք անում: Կարո՞ղ ա էտ երեխաների կյանքի վրա թքած ունեիք ու մտածում էիք ամեն տարի թազա տնօրեն նշանակել....
#ձրիակեր_դիլետանտներ

Արամ Գևորգյանի ֆեյսբուքյան էջից