«Հուշագիր ստորագրելուց այդ մտահոգությունները չունեի՞ք». լրագրողը՝ ԱԺ փոխխոսնակին
«Ձեր քաղաքական թիմը, Նիկոլ Փաշինյանը այդ մտահոգությունները չունե՞ին, երբ Գագիկ Ծառուկյանի հետ հուշագիր էին ստորագրում»,- դիմելով ԱԺ փոխնախագահ Ալեն Սիմոնյանին՝ հարցրին լրագրողները: «Եթե չեմ սխալվում, Ծառուկյանի հետ կապված տեղեկությունները՝ կողոպուտ, բռնաբարություն, հայտնվել են շատ ավելի ուշ, քան ձեր նշած իրադարձությունները»,- ասաց Սիմոնյանը: Հարցին՝ եթե իմանայիք, չէիք ստորագրի՞, պատասխանեց. «Ես չեմ կարող նման հարցերին պատասխանել: Հեղափոխություն է տեղի ունեցել, իր փուլերն է ունեցել, բոլորն ունեցել են հնարավորություն՝ մաքուր էջից սկսելու»:
Հիշեցնենք, որ այսօր ՀՀ վարչապետ Նիկոլ Փաշինյանը մեղադրական գրառում էր կատարել իր ֆեյսբուքյան էջում, որն ուղղված է ԲՀԿ առաջնորդ Գագիկ Ծառուկյանին: Պատասխան գրառումը սպասեցնել չտվեց և երկու քաղաքական ուժի ներկայացուցիչները նույնպես մեղադրական մտքեր արտահայտեցին:
Zham.am
Հետևեք մեզ Facebook-ում