Geopolitical Monitor. Ռուսաստանը վերջնականապես կողմնորոշվել է Արցախի հարցում, այն աջակցում է Հայաստանին. Բաքուն չի կարող ակնկալել Մոսկվայի օգնությանը

Բաքվի և Երևանի միջև հակամարտության համապատկերին բավականին կարևոր է Մոսկվայի դիրքորոշումը և նրա քաղաքականությունը զենքի վաճառքի հարցում: Ռուսաստանը՝ որպես Հայաստանի դաշնակից, նրան այնպիսի զինատեսակներ է մատակարարում, որոնք հրաժարվում է մատակարարել Ադրբեջանին, այդ թվում՝ «Իսկանդեր-Մ»-ը: Հաղորդում է «Geopolitical Monitor»-ը: 

Թե ինչպիսի հետևանքներ կարող է ունենալ ռուսական զենքի մատակարարումները Հայաստան, պարզել է «Geopolitical Monitor» (GM) կանադական պարբերականը:

Ռուսաստանն ակտիվացրել է Հայաստանին ռազմական տեխնիկայի վաճառքը դեռևս 2016 թվականին: Չնայած, Ռուսաստանը ակտիվացրել էր Ադրբեջանին զենքի վաճառքները անգամ հայ-ադրբեջանական սահմանին վերջին՝ հուլիսյան, սրացումների ժամանակ: Այնուամենայնիվ հստակ նկատվում է Մոսկվայի աշխարհաքաղաքական «համակրանքը» Երևանի նկատմամբ: 

Հայաստանը ՀԱՊԿ անդամ է, Հայաստանի տարածքում գտնվում է ռուսական ռազմական կոնտինգենտը մոտ 3000 զինծառայողով, որոնք համալրում են Գյումրիում տեղակայված ռազմակայանի և ավիացիոն բազայի անձնակազմը Երևանից ոչ հեռու: 

Ռուսաստանն աստիճանաբար ինտեգրում է Հայաստանի զինված ուժերը իր Հարավային ռազմական օկրուգի կազմում՝  ձևավորելով համատեղ ցամաքային ուժերի ստորաբաժանումներ: Այս տարվա օգոստոսին, հուլիսյան մարտերից հետո, Ռուսաստանը մոտ յոթ բեռնատար զենք է ուղղել Հայաստան՝ որպես օգնություն:

«Geopolitical Monitor»-ում համոզված են, որ Մոսկվայի «անխոհեմ» զինումը Երևանին հղի է նրանով, որ Բաքուն վերջնականապես կհայտնվի Անկարայի գրկում:

«Ռուսաստանը թերագնահատում է Հայաստանին զենքի ակտիվ մատակարարման հնարավոր հետևանքները, ինչպես նաև վերջին իրադարձությունների ընթացքում Երևանին բացահայտորեն աջակցելը: Այդպիսով Մոսկվան հասկացնում է Բաքվին, որ այն այլևս չի կարող հույս դնել Ռուսաստանի վրա, իսկ տարածաշրջանում Ռուսաստանի միակ դաշնակիցը մնում է Հայաստանը»,- ընդգծում է պարբերականը: 


                                                                                                                              Zham.am