Ֆրանսիայի և Շվեդիայի լաբորատորիաները հաստատում են, որ Նավալնին թունավորվել է

Շվեդիայի և Ֆրանսիայի հատուկ լաբորատորիաներում ռուսաստանցի ընդդիմադիր բլոգեր Ալեքսեյ Նավալնիի փորձանմուշների կրկնակի հետազոտություն են անցկացրել և հաստատել, որ նա թունավորվել է «Նովիչոհ» խմբին պատկանող նյութով։ Հաղորդում է «ՌԻԱ Նովոստի» - ն՝ Գերմանիայի կառավարությանը հղելով։ 

«ՔԶԱԿ-ը Գերմանիայի կառավարության դիմում-խնդրանքի հիման վրա վերցրել է պարոն Նավալնիի փորձանմուշները և համապատասխան քայլեր է ձեռնարկել, որպեսզի դրանք ուսումնասիրեն ռեֆերենտ լաբորատորիաներում։ Դաշնային կառավարությունը Ֆրանսիայի և Շվեդիայի հետ համատեղ խնդրել է մյուս եվրոպացի գործընկերներին գերմանական տվյալների նոր անկախ հետազոտության պարոն Նավալնիի նոր փորձանմուշների հիման վրա։ Այժմ առկա են այդ ստուգումների արդյունքները Ֆրանսիայի և Շվեդիայի հատուկ լաբորատորիաներից և դրանք ապացուցում են Գերմանիայի տվյալները», - ասվում է հայտարարության մեջ։ 

Օգոստոսի 20-ին Նավալնին հոսպիտալացվել է Օմսկում այն բանից հետո, երբ նա իրեն վատ է զգացել օդանավում։ Օմսկի բժիշկները որպես հիմնական ախտորոշում անվանել են նյութափոխանակության խանգարումը։

Ավելի ուշ Գերմանիայի իշխանությունները չհերքեցին, որ գերմանական հետախուզությունը 1990-ականներից սկսած տիրապետել է «Նովիչոկ» ռազմական թունավոր նյութերի։ Այդ թունավոր նյութի ստեղծողներից մեկը՝ Լեոնիդ Ռինկը արդեն իսկ հայտարարել է, որ տվյալները՝ Նավալնիի «Նովիչոկ» տեսակի նոր նյութով թունավորման մասին սուտ է, քանի որ բլոգերի մոտ չեն եղել այդ նյութով թունավորվելու ախտանիշներ։ 

Zham.am