Գերմանիայի հետախուզության ղեկավարը պատմել է, թե ինչով է «թունավորվել» Նավալնին

Գերմանիայի Դաշնային հետախուզական ծառայության ժամանակավոր պաշտոնակատար Բրունո Կալը հայտարարել է, որ ռուսաստանցի ընդդիմադիր գործիչ Ալեքսեյ Նավալնին թունավորվել է  «Նովիչոկ» («Новичок») խմբին պատկանող շատ ավելի հզոր նյութով, քան թույնի մյուս բոլոր հայտնի զոհերը։ Ինչպես հաղորդում է «Русская весна»-ն,  հետախուզության ղեկավարի խոսքերը մեջբերում է «Շպիգել» թերթը։

«Թույնը շատ ավելի ուժեղ է, քան առաջ», - ասաց Կալը դեռ նախորդ շաբաթ գաղտնի խորհրդակցության ժամանակ։

Թերթում հավելել են, որ որքան նոր և բարդ է թույնի քիմիական բաղադրությունը, այնքան շատ է հավանականությունը, որ այն կարող էր ստացվել միայն պետության միջամտությամբ։

Բացի այդ, ըստ թերթի տվյալների, Քիմիական զենքի արգելման կազմակերպություն ներկայացուցիչները նախորդ շաբաթ այցելել էին Բեռլինում գտնվող «Շարիտե» կլինիկան, որտեղ առձեռն ստացել են թունավորվածի արյան ու մեզի նմուշները հետաքննություն անցկացնելու համար։

Zham.am