Ասում են՝ մի արեք ակցիաները, բանակցում ենք ձեր հարցով, բայց մենք չենք հավատում. Տեսանյութ
ՔՊԿ գրասենյակում դեռևս շարունակվում է ՌԴ մեկնել ցանկացող քաղաքացիների և «Իմ քայլ»-ի պատգամավորների հանդիպումը:
Քաղաքացիներից մեկն, ով դուրս եկավ դահլիճից, լրագրողներին ասաց, որ 6 պատգամավոր է պատասխանում իրենց հարցերին:
«Մեզ ասում են մի արեք ակցիաները, մենք ամեն ինչ անում ենք, բանակցում ենք՝ ձեզ ճանապարհելու համար, հիմա տեսնենք՝ ինչքանով է դա ճիշտ»,- ասաց քաղաքացին:
Հարցին՝ ժամկետ նշվում է, նա պատասխանեց՝ ոչ:
Tert.am-ի հարցին էլ՝ համոզի՞չ են պատգամավորների հավաստիացումները, քաղաքացին պատասխանեց. «Իրենք ասում են, բայց մենք չենք հավատում, անընդհատ, այսքան ժամանակ նույն բանն ասվել է , բայց առաջընթաց չկա: Չենք հավատում, որ լինի: Մենք, եթե չբարձրանայինք վերև, իրենք պետք է ժամերով նստեին այստեղ, մենք էլ դրսում էս վիճակով նստել ենք երկու օր»:
Հետևեք մեզ Facebook-ում