Սա աշխարհի ամենամեծ գործող երգեհոնն է

Այս գիգանտը կառուցվել է 1904թ․-ին միջազգային ցուցահանդեսի համար ու այն ժամանակ ուներ ավելի քան 10000 փող։

 

Ի սկզբանե ենթադրվում էր, որ ցուցահանդեսից հետո երգեհոնը կտեղադրվի Կանզասում, սակայն այդ պլանները ձախողվեցին ու երգեհոնը մինչ 1909թ․-ը փոշոտվում էր պահեստում։

1909-ին երգեհոնը գնում է ֆիլադելֆիացի գործարար Ջոն Վոնամեյքերը։ Նա վերակառուցում ու մեծացնում է երգեհոնը՝ փողերի քանակը 10000-ից հասցնելով 28482-ի, ինչի համար անգամ հատուկ արհեստանոց է հիմնում, կազմակերպում է պարբերական անվճար համերգներ։ Այդ համերգներն, ի դեպ, տրվում են մինչև այսօր։ Ավելին, Վոնամեյքերը ստեղծում է ռադիոկայան, որով ի թիվս այլ բաների նաև երգեհոնային երաժշտություն էր հեռարձակվում։

 

Պատմությանը լրացուցիչ հմայք է հաղորդում այն փաստը, որ երգեհոնը տեղադրված է ոչ թե համերգասրահում կամ եկեղեցում, այլ՝ Վոնամեյքերի հանրախանութում։ Դա, եթե կուզեք, իրենց «Ֆիլադելֆիա սիթին» կամ «Ֆիլադելֆիա մոլն» էր։

 

Հանրախանութի ներկայիս տերերը, որոնք Վոնամեյքերի հետ որևէ կապ չունեն, շարունակում են խնամել, նորոգել և շահագործել երգեհոնը։ Ավելին, հանուն երգեհոնի նրանք էլ ավելի են քչացրել առևտրային տարածքները։

 

Հ․Գ․

Նկարում երևացող փողերը դեկորատիվ են։ Իսկական փողերը չեն երևում ու դրանց մի մասը մի քանի հարկ է զբաղեցնում։