«Թավշյա» իշխանությանը «թավշյա» ընդդիմություն կը վայելե

«Լուսավոր Հայաստանի» պես «թավշյա», հեռակառավարելի, մանկան նման միամիտ, դյուրահավատ «պատասխանատու» հրաշք-ընդդիմություն, որ ամառային հանգստի օրերին «ճանաչողական վոյաժներ» է կազմակերպում դեպի մարզեր, որպեսզի ապացուցի մի «պարզ» ճշմարտություն։

Որ Հայաստանի ազգաբնակչության մեծամասնությունը` 50 տոկոսից ավելին, ինչքան էլ հուսախաբված լինի, հիասթափված, ընդհուպ` զզված «թավշյա բարեփոխումներից», մեկ է` առաջվա պես շարունակում է վստահել և հավատալ ստահոդ վարչապետին։

Չնայած Սուտնիկոլը բազմիցս, և շատ համոզիչ կերպով, ցույց է տվել, որ իր ոչ մի խոսքին չի կարելի հավատալ` մի՛ բան ասում է, ճիշտ հակառակն անում, և անամոթաբար ստում էր` ասելով, որ բանակցություններ չկան, բանակցային սեղանին ոչ մի փաստաթուղթ չի դրված ու չի քննարկվում, հալած յուղի տեղ է ընդունել «պաշտոնական տեսակետը», թե ՌԴ արտգործնախարարը ստում է. Նիկոլը ճիշտ է, Լավրովը` սխալ, երբ ասում է` մի տարուց ավել է, կողմերը բանակցում են 98-ին մերժված տխրահռչակ փուլային «կարգավորման» շուրջ։

Ամենակարևորը` չի պահանջում վարչահրամայապետի հրաժարականը, ինչպես 2018թ. չէր պահանջում Սերժ Սարգսյանի հրաժարականը։

Էլ ի՞նչ «թավշյա» ընդդիմություն, որ ջուր չլցնի իրեն խորհրդարանի մուտքի ուղեգիր տված «թավշյա» իշխանության ժանգոտ ջրաղացին...

Լիլիթ Պողոսյանի ֆեյսբուքյան էջից