Ժողովուրդ ջան, քիչ կերեք, մի ժամ ավել սոված մնացեք, այդ փողը տվեք Նիկոլ Փաշինյանին, որ իր հետ քայլածներին պարգևավճարներ բաժանի

Նիկոլ Փաշինյանն ասում է՝ «երկու տուփ քիչ ծխեք, մեկ շիշ արաղ քիչ խմեք, այդ գումարը գույքահարկով տվեք պետբյուջե»: Միջնադարում ֆեոդալները շաբաթը մեկ օր ժողովրդին անվճար աշխատացնում էին, նույն հավակնությունը փաստացի ունի նաև Նիկոլը: Բազմիցս ասել եմ, ևս մեկ անգամ կրկնում եմ՝ Նիկոլ Փաշինյանի համար Հայաստանը օկուպացված տարածք է, որի բնակիչներին նա պետք է մինչև վերջ թալանի և ունեզրկի: Ասպատակողի հոգեբանություն է՝ զավթված երկիրը գործ անելու համար չէ, զարգացնելու համար չէ, զավթված երկիրն ասպատակելու և հարստահարելու համար է: Հայաստանի ժողովուրդը պետք է շատ հստակ գիտակցի. երբ Նիկոլը օլիգարխներից վերցնելու այլևս ոչինչ չունենա, քաղաքացուն է թալանելու: Այո, հարգելի ժողովուրդ, դու պետք է առավոտից երեկո բանաս, որ երեխայիդ մի կտոր հացի հարցը լուծես, իսկ Նիկոլ Փաշինյանը մտնելու է գրպանդ ու տարատեսակ հարկերով վերջին կոպեկդ տանելու է, որ իր հետ քայլածներին պարգևավճար բաժանի:

Միհրան Հակոբյանի ֆեյսբուքյան էջից