Թուրքիան և Ադրբեջանը պատրաստվում են պատերազմի, իսկ մենք ձի ենք քշում և ՍԴ լուծարում. Տեսանյութ

Թուրքիան և Ադրբջանը  շարունակում են լայնամաշտաբ զորավարժությունները Հայաստանի մայրաքաղաքից ընդամենը 60 կմ հեռավարության վրա՝ Նախիջևանում: Զորավարժություններին ներգրավվել է ավելի քան 2.6 հազար հոգանոց զինվորական անձնակազմ, ավելի քան 200 տանկ և այլ զրահատեխնիկա, շուրջ 180 հրթիռային, հրետանային և ականանետային կայանքներ, 18 ինքնաթիռներ, ուղղաթիռներ և անօդաչու սարքեր, ավելի քան 30 հակաօդային պաշտպանության համակարգեր և շուրջ 320 տրանսպորտային միջոցներ:

Սրա հավելենք այն, որ վերջերս տեղեկություն էր հայտնվել, ըստ որի, Թուրքիայի ներկայությունը Նախիջևանում կպահպանվի նաև զորավարժությունների ավարտից հետո, քանի որ Անկարան Նախիջևանում ռազմաբազա է հիմնում:

Օրեր առաջ մենք տեղեկացրել էինք նաև այն մասին, որ, ըստ ռուսական աղբյուրների, թուրքական անօդաչու սարքերը հարվածներ են հասցրել Հայաստանի սահմաներին: Հուլիսին Տավուշում տեղի ունեցած հայ-ադրբեջանական բախումների ընթացքում համացանցում տեղեկություն էր հայտնվել նաև այն մասին, որ Թուրքական F16 ինքնաթիռները մոտեցել են Երևանին՝ օդային հարվածների հեռավորության վրա:

Այս իրողությունները գալիս են ապացույցելու այն, որ մեր տարածաշրջանում կարող են տեղի ունենալ  լուրջ աշխարհաքաղաքական փոփոխություններ և կարևոր է, որ այդ փոփոխություններին ընդառաջ  Հայաստանի թե քաղաքական, թե տնտեսական  համակարգերը պատրաստ լինեն հավուր պատշաճի արձագանքել դրանց: Չեմ նշում ռազմական համակարգի կարևորության մասին ոչ թե այն թերագնահատելով, այլ որովհետև կյանքը ցույց տվեց, որ անկախ քաղաքական վայրիվերումներից հայկական զինուժը պատրաստ է կատարել իր առջև դրած ցանկացած մարտական խնդիր, սակայն սրա հետ մեկտեղ պարտավոր ենք ընդգծել ու հասկանալ, որ քաղաքական ղեկավարության անհեռատեսությունը կարող է լուրջ խնդիրներ առաջացնի ռազմական ղեկավարության համար:

Բայց եկեք միասին տեսնենք, թե տարածաշրջանում լարված իրավիճակի ֆոնին ինչ քաղաքական և հասարակական օրակարգեր են գեներացվում Հայաստանում:

Ընդդիմության մի ստվար զանգվածի համար երկու օր է քննարկման գլխավոր թեման է դարձել Փաշինյանի ընտանեկան հանգիստը, Աննա Հակոբյանի ձեռքի եղած ժամացույցը, բայց  շատ քչերն են խոսում Հայաստանի մայրաքաղաքից 60 կմ հեռավորության վրա ընթացող զորավարժությունների վտանգի մասին:

Մյուս կողմից էլ մենք տեսնում ենք, որ առաջին հերթին իշխանությունը համահունչ չէ երկրում և տարածաշրջանում ընթացող գործընթացներին:

Տարածաշրջանը տարածաշրջանով, բայց մեր իշխանությունը քաղաքական և այլ ռեսուրսներ է այս պահին դրել Սահմանադրական դատարանը փոխելու համար, թուրքական շահերի կոնտեքստում գործող քաղաքական անձանց առաջխաղացումն ապահովելու համար… Մենք լուրջ հարցերից ենք խոսում, բայց այս իշխանությունը չի կարողանում անգամ հստակ քայլեր ձեռնարկել Արմավիրում տեղի ունեցած թունավորման հետևանքները ճիշտ գնահատման և չեզոքացման ուղղությամբ:

Քաղաքական փոփոխությունների անհրաժեշտությունը պայմանավորված է հենց այս հանգամանքներով և որքան շուտ Հայաստանում ձևավորվի  քաղաքական նոր հզոր բևեռ որն իշխանության հայտ կներկայացնի, այդքան ավելի արագ մենք շանս կունենանք  Հայաստանում ունենալ որակակապես նոր իշխանություն:

Սևակ Դանիելյան