Ստատուսներով և վերլուծություններով դուք Նիկոլից չեք ազատվելու
Սեպտեմբերի 4-ի մեր հանրահավաք-երթը պատասխանեց մի քանի կարևոր հարցերի:
Քաղաքական և վերլուծական շրջանակաները քննարկում են միջոցառմանը մասնակցած մարդկանց քանակի հարցը, բայց մոռանում են,որ Ռեֆորմիստների կուսակցությունը նախ բացեց փողոցային պայքարի ճանապարհը, կոտրեց այն միֆը, որ փողոցում այսօր վաղ է բղավել «Նիկոլ հեռացիր»,քանի որ նա ունի դեռ շատ կողմնակիցներ:
Կոտրվեց նաև մարդկանց վախը, որ եթե նրանք դուրս գան փողոցային պայքարի նրանց ձերբակալելու են, հետապնդելու են և այլն: Սա շատ կարևոր է մարդկանց ինքնավստահության համար և կարելի է արձանագրել, որ երթին մասնակցած քաղաքացիները վաստակեցին հետագա բոլոր ակցիաների ազատության իրավունքը և նվիրեցին ընդդիմությանը, բոլորին անկախ նրանից թե որ կուսակցությունը հաջորդը դուրս կգա «Նիկո՛լ, հեռացի՛ր» լոզունգով:
Քննարկվում է նաև՝ ինչո՞ւ այս կամ այն ուժը չմիացավ և այլն: Այսօրվա մեր ընդդիմությունը փայլուն գործում է նույնիսկ չմիավորված և ապակենտրոնացված ձևով: Սեպ խրել տարբեր ուժերի և գործիչների մեջ մեր մոտեցումը չէ և մեզնից շատ հեռու և անհեռանկար զբաղմունք է: Հարգում եմ բոլորին, ով մտահոգված է Հայաստանի և Արցախի ապագայով: Ես արեցի իմ արածը և վստահ եմ մարդիկ իմ արածի իմաստը հասկացան, մնացածը բամբասանքներ և անիմաստ քննարկումներ են:
Պնդում եմ կրկին, որ ստատուսներով և վերլուծություններով դուք Նիկոլից չեք ազատվելու, նեղություն քաշեք և սկսեք Ձեր պայքարը:
Կհանդիպենք հաջորդ հանրահավաքին...
Վահան Բաբայանի ֆեյսբուքյան էջից
Հետևեք մեզ Facebook-ում