Բոյկոտի անհասկանալի տրամաբանությունը

Ընտրություններին մասնակցելու բոյկոտների պատմությունը, եթե չեմ սխալվում,Հայաստանի Հանրապետությունում սկսվում է 2005թ.-ից, երբ միացյալ ընդդիմությունը ժողովրդին կոչ արեց բոյկոտել սահմանադրական "բարեփոխումները: Արդյունքում հանրաքվեին իրական մասնակցությունը չանցավ 15 տոկոսից, ընտրատեղամասերը դատարկ էին ամբողջ օրը: 2015-ի սահմանադրական չարեփոխումներին բոյկոտի կոչ արեց Հիմնադիր խորհրդարանը, իսկ ակտիվ բոյկոտի կոչ արեց Ժառանգությունը: Դա բացարձակապես չհակասեց ՀԱԿ-ի "ոչ"-ին, քանի որ երկու դեպքում էլ՝ լիներ դա չմասնակցություն թե մասնակցություն՝ բյուլետենները անվավեր դարձնելու եղանակով (որի կողմնակիցն էր Ժառանգությունը այն հիմնավորմամբ որ պատռված բյուլետենները անհնար կլինի դնել "այո"-ի տրցակի վրա), քանի որ Սահմանադրությունը անցկացնելու համար իշխանություններին "այո"-ի կոնկրետ նվազագույն թիվ էր հարկավոր: Առանձին ուժեր տարբեր ժամանակներում կոչ են արել նաեւ բոյկոտել խորհրդարանական եւ նախագահական ընտրությունները: Նույնը կրկնվում է այժմ: Այ սա արդեն չեմ հասկանում: Ու ասեմ թե ինչու:

Բոյկոտի մեթոդաբանությունը որեւէ իմաստ է ստանում այն դեպքում, երբ ընդդիմության մեծամասնությունն է դրան հակված եւ դրանով շանս է առաջանում ապահովել բնակչության մեծամասնության չմասնակելը ընտրություններին՝ ապալեգիտիմացնելով ընտրությունները: Բոյկոտի կոչը այն ժամանակ երբ իշխանության դեմ առաջադրված ուժեր կան, լինի դա խորհրդարանական թե նախագահական ընտրություններ, եւ ակնհայտ է որ ժողովուրդը այս կամ այն չափով մասնակցելու է ընտրություններին՝ նշանակում է հարվածել հենց ընդդիմադիր ուժերին՝ նվազեցնելով նրանց ստանալիք ձայները եւ ավելացնելով իշխանությունների հնարավորությունը վերարտադրվել եւ քանդել պետությունը եւս 5 տարի: Միթե պարզ չէ, որ իշխանություններին կաշառքով կամ այլ պատճառներով ձայն տվողները երբեք չեն անսա նման կոչերին:

Հիմա ո՞րն է բոյկոտի կոչ անողների նպատակը

ՀԳ. Բոլոր նրանց, ովքեր բոլոր ընդդիմադիրներին դատում են սեփական արշինով ու հայտարարում, թե ընդդիմության նպատակը ոչ թե իշխանափոխությունն է այլ ընդամենը մանդատ ստանալը եւ պատգամավոր դառնալը ասեմ, որ որոշել եմ Ժառանգության ցանկացած ցուցակում՝ լինի դա առանձին թե դաշինքով, զբաղեցնել վերջին հորիզոնականը:

Հովսեփ Խուրշուդյանի ֆեյսբուքյան էջից