Սովորե՛լ. Սովորե՛լ. Սովորե՛լ.

Սեպտեմբերի 1-ին, Գիտելիքի և դպրության օրն է. և չնայած, որ նոր ուսումնական տարվա մեկնարկը սկսում ենք դիմակով ու ապազգային տարրերով, սրտանց շնորհավորում եմ այդ առթիվ: Ուսումնական տարին նոր էջ է մարդու կենսագրության մեջ: Աշակերտը ուսուցչի, ուսանողը դասախոսի առաջնորդությամբ պետք է ձգտեն ոչ միայն այդ էջը, այլև ամբողջ կենսագրությունը դարձնել բովանդակալից: Եւ համառությունն ու աշխատանքը, նպատակասլացությունն ու ջանասիրությունը միասին կհանգեցնեն այն արդյունքին, որն օգտակար կլինի թե՛ դպրոցն ու բուհն ավարտող պատանու և երիտասարդի, թե՛ նրանց ընտանիքների և թե՛ մեր երկրի համար: Նոր ուսումնական տարվա մեկնարկի առթիվ շնորհավորանքների հետ մեկտեղ մաղթում եմ, որ գիտելիք տալուց և դաստիարակելուց բացի՝ դպրոցն ու բուհը ձեզ համար բացեն նոր աշխարհի դռները և օգնեն բացահայտել այն, սատարեն՝նվաճելու բարձունքներ, նպաստեն՝զգալու եւ վայելելու ազատությունը, բայցև զգոն պահեն` երբեք չմոռանալու դրա սահմանների մասին: Առանձնահատուկ շնորհավորում եմ բոլոր նրանց, ում համար ուսումնական տարին առաջինն է որպես աշակերտ և ուսուցիչ, որպես ուսանող եւ դասախոս:

Պատի՛վ ու փա՛ռք մեր երկրին: